16/04/2021

地震

地震是地殼快速釋放能量過程中造成的振動,期間會產生地震波。

地震可由地震儀所測量,地震的震級是用作表示由震源釋放出來的能量,通常以「黎克特制地震震級」來表示;烈度則透過「修訂麥加利地震烈度表」來表示,某地點的地震烈度是指地震引致該地點地殼運動的猛烈程度,是由震動對個人、傢具、房屋、地質結構等所產生的影響來斷定。

(維基百科)

烈度在日本有日本自己的一套等級,有0-7級(5-6級有強/弱之分),共10個等級,有看過日本電視節目的都會有看過電視畫面上方會出現地震速報顯示「震度」就是這個級別)。基本上在東京要到震度3才會感覺得到,記得11月頭在東京某意粉店就感受到震度3的地震,我實際感覺到的地震這3個月之內也只有3次,其實沒有大家想像中的那樣。說日本經常地震是沒錯,但大部份都只是這樣的小地震,十幾秒之後大家又繼續如常生活。

寫這篇文最主要是因為昨天香港電台的即時新聞(速報):日本東京發生7級強烈地震

我收到很多朋友的查詢我的平安…可是唔係你地講我唔知香港講到咁恐佈

之後的詳細報道其實有說明震央的資料,有兩點大家可以留意:震央的所在地和深度

簡單的道理大家都明白:離震央越遠地震影響越少
今次是黎克特制7級,是強力地震,不過震央離名古屋也有440公里,但是震源深度也有370公里,震央越深對地表的影響越少,例如上次311的地震,震央只有24km深,所以影響會大很多很多。

雖然中部和關東都感受到震動,不過最強是震度4,東京大部分地方都是震度3,雖會感到地震,但是沒有即時危險,而且對建築物不會有太大影響,大家可以放心一點….

如果我真的遇到一個強烈地震震到我都驚的話我會即時報個平安的…:-)

4 thoughts on “地震

  1. 日本的新聞在香港之後都只會更加恐怖了吧…我婆婆睇到月亮報寫日本元旦大地震嚇到佢死……….
    我阿媽反而冷靜到我驚返轉頭XD

    好呀!趁仲有青春快啲用埋佢喇!!

  2. 如果香港個個都睇過你呢篇就好了.
    就同你所講一樣,香港d傳媒由311開始,對地震同幅射的報導絕對係火上加油. 大約11月方向報(我屋企買開,我基本上除左體育版都唔會睇)有日頭版報日本幅射,話日本政府隱瞞,好多地方都有受到幅射污染. 又附左一幅日本地圖,播述日本情況既幅射強度, 但幅圖隔離又show左幅射強度會影響人體既地方就只有核電廠一帶, 咁即係想點? 到底點解會o係旅遊旺季前無神神有呢個頭版?

    呢d報導對今個聖誕節假期既日本旅遊業有幾大我就唔知, 但12月中,我一半工作,一半觀光,要去日本八日. 一講出黎,家人全都面色沈重. 我只好強調我要去的地方都同核電廠距離好遠. 結果8日間,我要日日打電話返屋企報平安.

    其實都讀左日文好多年,一直都想試下去日本生活一段時間. 我今年已經廿九歲,自己打算今年會申請WHV. 打算批左visa先同家人講,到時佢地唔知會有咩反應…希望香港傳媒呢幾個月生性d,唔好做新聞版都好似做娛樂新聞咁..

    多謝你寫呢個blog分享經歷心得. 希望你之後有一個畢生難忘既快樂時光!!

  3. 我唔希望再有大地震…再來一次日本真的受唔住的
    最大鑊其實都係香港啲報紙同新聞,真係驚你唔死踩多兩腳咁的

  4. 311個時我係日本,個排全國所有電話都斷晒線,無論日本國內定海外親戚朋友都搵唔到我,嚇死晒佢地。網絡通左之後,所有係香港既親戚日日打電話來叫我番香港....

    但其實,我係北海道內陸,地震個刻我同d同事都無人知無人feel 到...
    我地要做既都係睇新聞然後捐物資。(托賴,還得神落)...不過可能香港地方細,覺得一個國家內就係好近好近...我個時成日同阿媽講:「你知唔知日本好大,我由北海道飛去本州要飛2個鐘,同你飛去上海差唔多。」加埋香港d新聞報導真係唔嚇死你唔報,結果就令係香港既親友好擔心….Orz

Comments are closed.