科學發展觀？和諧社會？

我今日真係好嬲好嬲，呢個世界真無得救的了

事發經過是係咁嘅：今日一夠鐘就走，返到羅湖之前都係好…順利的，但係！咁去到大陸個關，排隊過大陸e道，前面有一對港人夫婦，兩個都係農民工規格，大隻過你同我，一人一個人咁大的背囊，入面唔知裝乜總之就好脹，銀包可能好發達但係腦袋似乎唔多發達嗰隻。我跟個老公，個老婆排咗第二條隊。個老婆入隊之前仲喺度閃閃貢，結果唔知佢揀唔揀之際佢都係排第二條。我就俾佢兩公婆阻咗一陣…OK，Fine！無問題，咁照排啦！

用過大陸那個e道的都知，個手指模位同眼仔有幾咁senstitive…個老婆排條隊咁啱就撞正條友一係無指模一係無面見人的，入咗個e道幾年都未出得返嚟，好喇，之後跟手個老婆見到老公條隊行得咁快，想鼠過去佢隻佬度，我頂你….排隊吖大佬，一個排叫一家人嚟都得架啦咁…於是，我出聲：「喂，排隊吖」

然後我俾人屌…而家咩事呀？！兩公婆就可以唔駛排過？！等位飲茶等叫檯呀而家？一個輪飛一家飲….你當你返大陸洗過錢，過關就做大爺呀？咁大支嘢有特別通道啦駛鬼同我逼呀？我據理力爭….但係呢堆原人腦竟然話返我打尖！！而家係你老婆㘉㘉貢呀，我㘉㘉貢….老婆你都認錯去死啦冚家富貴你….

都不突止，個老公仲用我鬧人最中意用的「你趕住去攞出世紙呀」嚟鬧我…..

呢一刻我真係好想用粗口問候佢全家祝佢生活安康，但係我無，我只係繼續串佢，但係佢竟然向我揮拳！！仲要真係打中我！！

咩事呀而家？！我俾你老婆打尖，你打我，我唔啱….道理嚟架？！就左邊離我三條隊有個大陸警察，呢條友竟然咩都唔理！！條友繼續過關…我繼續撩慶佢，我就等佢真係再郁我一嘢，我即刻玩大佢！！

佢又唔敢…

故事就到呢度結束。

而家咩事呢究竟？你打尖，我出聲，我唔啱…你打尖就好啱，一日十幾萬人都排隊，你唔排隊，算，忍你，但係而家你話返我打尖…我打你條春呀？

仲要郁手打我…..世界末日啦！？

香港人大陸化嘅速度真超乎想像的快，下個十年，應該都會見到小學生一定要戴紅圍巾，寫字唔准用繁體，打字一定要用五筆，全香港改左呔…….仲有就係唔駛講紀律，唔駛講秩序，一切九反，齊食狗飯！

我識得的香港同香港人，都死晒架喇！！教養同禮貌去晒邊？公德去晒邊？

好，我姑且唔講香港，而家一國兩制，我同你講你主席講嘅「科學發展觀」，維基百科係咁寫嘅：

本質和核心

「以人為本」是科學發展觀的本質和核心。以人為本的概念是「要把人民的利益作為一切工作的出發點和落腳點，不斷滿足人們的多方面需求和促進人的全面發展。」包括4個具體方面：

1. 在經濟發展的基礎上，不斷提高人民群眾物質文化生活水平和健康水平
2. 尊重和保障人權，包括公民的政治、經濟、文化權利
3. 不斷提高人們的思想道德素質、科學文化素質和健康素質
4. 創造人們平等發展、充分發揮聰明才智的社會環境

再創造「和諧社會」：

「民主法治、公平正義、誠信友愛、充滿活力、安定有序、人與自然和諧相處」

嘩大佬，你玩晒啦！！香港精神你又唔理！主席講嘢你又唔聽…