13/04/2021

長洲掃街行

2009年12月2日

星期三因利乘便,不用上班就去了長洲玩

在船上上網,在這裡看到了長洲美食地圖,於是跟著它去尋找

第一站原本去找允升甜品,但是

他們休息了….下次去長洲不要選禮拜三


然後去食平安包,往郭錦記餅店。大大一個才四蚊,但係放久了不太熱,不過原來很鬆軟而且唔黐牙,好味!


之後往甘永泰食魚蛋,這個不用多介紹是長洲名物,之前自己去幾次,每次想買回家做手信,但每次都在回程船上食晒!


下一站係巨薯棒,新鮮即叫即炸,超級的好食!


轉個角就係故鄉茶寮,出名的是「紅豆餅」(即是大判燒),還有壽司,不過這次只是食紅豆餅。四蚊一個,紅豆算多但係唔夠甜,不過四蚊一個,收晒貨啦

去了東灣行了一會,回頭去了紅馬餅店的分店——紅馬海傍餅店,食巴黎撻

外面脆卜卜,入面係軟綿綿的蛋糕,還有些焦糖(?),很新鮮的配搭!而且好好味道!!

途中見到有新鮮做的豬扒包,但係已經好飽無食到,之後坐在海邊吹吹風吹吹水,原來時間好快過

最後到了天然甜品食糖水,一個紅豆沙湯圓(芝麻餡)

一個是招牌菜香芒湯圓雪凍楊枝甘露

香芒湯圓是整成球形的芒果大菜糕,雪凍是外面有花生碎入面包著雪糕的東西(上圖),這兩樣東西都好好味!

還買了香芒糯米糍回家做手信^^

回到市區後,去了澳州牛奶公司吃晚飯

滿足的一天~~

2 thoughts on “長洲掃街行

  1. 唔知點解好多間甜品都未試過~~平安包…我只見過膠包咋!

    長洲有間食火焰布丁好正~ 不過唔記得叫乜名~

Comments are closed.