萬水千山縱橫

星期六去了很多地方啊~
不過大部分都是處理私務
也夠我折騰夠了！

首先，我一定要先去領返我張八達通！！
可惡，地鐵站都冇人排隊（嘖）
等了一會，職員從office拿回我的八達通，對過身份證，簽埋名
掂晒！但係
…..原來餘額係唔會直接過戶，我原本有幾多錢，佢原原本本俾返cash我~~~實在太好喇XD
就在簽名的同時，有兩個自遊行去買全日通
我見個職員唔清唔楚咁用普通話講咗佢哋聽，張飛唔可以搭去過關，我竟然又好好心的幫助佢哋講解
重教埋佢哋轉車….點解呢？佢哋明明唔係靚女……..（拖走）

行行吓見到…

哦，我知啦，你賣啲係真壽司唔係假架嘛！！

出糧之後又係交卡數的日子，交咗卡數，份糧又唔見咗一橛
落到銀行，櫃員機人多到喊…去櫃檯俾錢又要收charge…
結果放咗落一個收卡數箱
放落去之前有睇一睇支票有沒有寫錯
結果發覺沒有寫日期…用了銀行填入數紙的筆補了一嘢…
我諗，唔駛我重寫啩…？

攪掂晒呢兩樣嘢之後去醫肚，去了吉野家
…嘩攪乜鬼！食個餐都三十蚊了？！
重要牛肉感覺是少了！
還有！！偽七味粉放了在counter，不過我一定笠一樽埋位慢慢食
因為我食飽唔見咗1/5樽…我還要一路食一路「審」先得（奄尖聲悶…）

食飽，我又去咗觀禮
使徒的伴郎星期六結婚了，我跟小波一起去觀禮去，使徒去了做兄弟
那裡果然係一個神奇地方，上次觀禮見到個律師會亂講嘢，今次就係個主攝影師…
佢唔係亂講嘢，不過「佢好蘇絲黃」（by使徒）

小波因為唔駛幫手，之後就係去咗睇黃金聖鬥士

食了尖沙嘴那間Freshness Burger！因為小波趕去觀禮都沒有吃甚麼東西
他們的品質幾間分店都保持得很好！

睇完展又食完嘢，晚上我要去外公的壽宴，小波要去飲，去citysuper搞搞震冇幫襯消磨時間的途中
見到原來無印在尖沙嘴開多了一間店！

還要好大好靚架！

citysuper一貫在這個時候會有很多一百幾十的禮品專門給人買來送聖誕禮物
還有出現了自爆掣！那個插USB玩的自爆掣，還有匙扣size的迷你版
不過就算迷你版都要一百二十蚊，當我冇見過啦

呢本書，睇過走算喇
不過pageone都冇釘打….我要打書釘呀！！成兩舊水點買得落手呀咁嘅廢書！

木星炸彈呀！！

哈哈哈哈哈

跟住返去同外公祝壽
…說到這裡又有點火滾
是我的表弟，舅母他們…太寵他了
我一到場放低個袋，佢竟然問都唔問「抄」我個袋！！
你架個袋？！老奉有嘢畀你玩架？
係細個啫，基本禮貌，問下人都識啩？（我畀唔畀係一回事吖）
把幾火呀真係，如果我細個係咁，已經畀人剷到上天花，只怪我人太好
我覺得這個事情有需要向他們父母反映一下，話晒都親戚一場，舅父對我們都不錯，無謂睇住佢個仔就慣斯勢跟住巴屎閉閉咁
平時已經冇大冇細的了，同佢玩吓就出晒力…我都痛架大佬
舅父佢哋又係，尤得佢肥斯大隻咁….
今次更加變本加礪，差點搶埋我電話走，又猛咁篤篤篤捽捽捽，差啲整跌落地
再係咁，下次再來我真的會爆也說不定….
如果佢唔係我表弟？我笠鬼咗佢麻包袋喇，見一鑊笠一鑊啦！

點解，做小朋友唔可以可愛啲，係都要做到成隻魔怪咁架