回歸的大昏迷

果然！我真的大昏迷了！昨天三時多就回到家，沖個靚涼，飲返碗阿媽靚湯（阿媽特登早起身煲我飲架！），開埋喼就去倒床
原本返到家是很精神的，但是沖完涼對腳先覺得痛…冇錯，係痛
所以還是乖乖的去瞓一覺，原本打算晚飯起身的，但係瞓醒係凌晨四點幾….繼續瞓過
落床已經係早上十點，友人還要上班，真難過
不過隱約聽到細佬的鬧鐘有響…原來今日佢都要返工
明明佢公司應該會放假但係今年係會返工，真係奇怪

瞓醒之後，第一時間…..就係食「晚餐」！
應該話係星期日的晚餐——叉飯！
媽媽原來只是為我煲了靚湯，因為之前的早上她去了黃大仙，煲到湯已經好叻
能夠在回家的時間，呷一口媽媽親手煲的靚湯，勝過千言萬語

食飽之後阿媽跟我約了舅父拜年，帶了一個手信給他
還有給了旅行的風景給他們看（連媽媽都未看過！），「落雪呀～～！！」咁樣
不過人家全家人又有甚麼未見過，我不就是在班門弄斧了？

然後往阿b家拜年（？）去
因為我未吃今天的飯（早上吃的是晚餐），所以和阿b吃了那間「咩咩 癌 岩」
冬陰公食到好陰公….都唔辣嘅～～～回水呀！

之後和阿b分享名古屋的名勝，他一見古城的相就好似撞邪一樣口若懸河，途中他家姐返家
她是一個很奇怪（笑）的姐姐，但是我和她竟然（狂笑）傾到計（人家跟你「差不多」年輕呀…）
還在瘋狂的在說閃咭的事（笑），這個姐姐真不簡單（再笑）
不過…盡量行多點超級市場吧，不然會喪失了做一個師奶應有的氣質（啥）
他們還留我在家食飯…….（因為未睇完相唔肯俾我走…）

有鹹魚呀！！

我不知幾耐冇食過鹹魚！非常高興，還要是霉香～
間中食次真的不錯…想起我都已經N年沒食過鹹魚！！
同埋豬扒！我都唔知幾耐冇見過豬扒！！就連阿媽靚飯都冇出現好耐的豬扒！

回家的路程在巴士睡了，原來很難睡著的（笑）