by 呢個blog post我原本唔想打的，但係有人話會復出寫blog咁我就奉陪下XD
2011年真係不可思議的一年，年頭仲係做到隻屐咁之餘，仲要俾螺絲批插到手指都爛仲要無工傷嘅我點都唔會估得到，我而家可以坐喺日本度同大家講新年快樂。很感激舊公司的上司對我的各種支持同鼓勵，唔係多得你哋對我嘅種種關懷，我一定唔會鼓起勇氣出走到日本。
2011亦都係我去得最多旅行的一年：年頭去咗北京賀歲，年中去咗泰國，九月去馬來西亞同埋新加坡，最後就係而家仲進行緊的日本Working Holiday，令我唔再需要坐喺個盒入面由個盒望出去世界，個天係幾咁窄幾咁逼…
2011令我重新對朋友呢個詞語有新一層的解讀。尤其是我決定（而且公開講咗）我會去日本之後，多了好多朋友關心我同我聯絡多咗，而且會好留意我係唔係喺屋企。真係好多謝你哋對我嘅關心~~~
2011都係我食得最多好嘢的一年（大概是），超豪華的Farewell飯不在話下，還有令我大開眼界而且由開席食到散席都係激讚的擺酒，日本的刺身，甚至只是個100yen飯糰每啖都好感動！仲有仲有日本蘋果！真係搵唔到世界上有第二度好食得過佢哋！
2012年大半年將會繼續在日本打拼！
2012、Workingも、Holidayも、喜びも、幸せも、みんなかっちり掴むように、120%頑張ってみる！
