06/03/2021

(真) 五月一日

今天已經給預約了去光爺祝壽會。
就在之前的晚上玩AOM的時候, J說起他的電腦已經夠鐘打柴所以就打算將之換掉
所以今天下午就和他一起給一點意見順便替他補習一下
原先他打算遷就顯示卡(還是很猛的9800pro), 不過已經給人廢棄的AGP再留下來也沒意義, 所以不如再等一會一起爆一台猛機, 爽度會更高的(笑)

去了長江看人打種, 有些人真的很好打, 但更多人是識少少扮勁
更加有些人看起來根本是要去兒童場的小朋友…很久沒有這樣的情況見過
但是長江加裝了很多風扇吹走煙味, 所以雖然還是有煙味但是可以接受了

版豬和小蘭+小小藍也相繼到達
阿J提議/帶路去吃油渣麵:

跟我想像中有很大出入…原來都似碗麵的

席間小蘭再發現我是左撇子…!! (明明已經吃過很多次飯…)
我比他更驚訝!!! 怎麼會這樣的!!

頭頂的電視在播放學ICU, 原來阿J也未見過這隻神獸, 趁現在有點時間就看一下啦…包你另有一番體會
還有旺旺廣告, 我相信你總會比我和阿b更熟(我開始覺得阿J是會跳小饅頭舞…ge)

原先打算坐下來打卡, 但是發覺時間應該不夠, 結果又去老麥食呀食
老豬大俠也準時出現, 連忙進老麥吃草(←根據阿b說法, 一盤生的菜放在自己面前…然後嘴嚼…)
小小藍在旺角買了一本大炮妹大陸簡體老翻畫冊(日版原裝索價幾百), 現售四十幾蚊
真係買兩本, 一本睇一本可以留來搣書scan都有賺, 而且翻印得不錯, 也很清晰, 相當抵買

小蘭就開始無無聊聊地係咁用電話的鏡頭影人
我又陪他一起發飆, 用連射技術一起鬥爛, 頓時圍觀者眾, 好不熱鬧
你一招我一閃, 鏡來鏡往絕無冷場, 幸而二人武功底子相當好, 也沒有傷及無辜

之後為了早一點到葵芳荃灣去, 先去荃灣打發一下時間
終於有死亡之屋4了, 那槍沒有歪炮, 真好
(幻想一下: 全畫面的喪屍都是我那可愛的supervisor和殺千刀們, 打下去的歡愉簡直非筆墨所能形容)

打完之後, 見時間不早, 便和小蘭先到pizza取位(因為訂不到檯了), 不過人數之多也有點超出我的想像
拿等候券之後我問了一下店員:
『 大概要等多久?』
「唔知道喎」
『那旺市平均要等多久呢?』
「唔知喎」
『你第一日返工架? 你咩都唔知o既?』
「我係唔知架喇, 就算以前點我都答唔到你」
這時候店員RICKY先生已經有點想怒按start掣…

圖中橙袖者為正仆街荃灣pizza hut金牌侍應RICKY先生

犯眾憎者給群情洶踴的群眾包圍

…然後兵分幾路, 有去意粉屋看看, 不過那邊那位很過份的經理就一開始表明: 因為今晚人多, 你們也很人多, 最少也要輪一小時, 但是一小時後也未必會有檯可以給你們, 如果要等的話要有心理準備喔
你這樣說我當然走頭啦, 也難得你很誠實而且很有禮貌地告訴我
同樣也是去吃意粉和薄餅, 點解另一間會仆街得咁緊要的?

…另一邊廂漂亮princess princess四哥就尋找得到酒樓可以安置我們, 打邊爐或者食撚手小菜也可以

大合照1

然後莫古有帶紅酒, 這些比上次喝過的好喝, 帶點酸味易入口
但是阿光請纓開瓶失敗….orz這時候還是靠專業人仕好!

然後變成了上翅, 乳豬拼盤, 大魚, 花枝蘇東片/象拔蚌….逐樣上
真的變成擺大壽了!!

席間四哥的BL益菌能量大爆發, 最近他每逢一說這話題就很興高采烈
連旁邊的可愛小澤也受到波及重傷, 變成了BL ZOMBIE
還有很多奇怪的話題……

阿J也真的相打長途電話到地球的另一端給孤獨老人櫻井先生, 將這份奇妙體驗超越時差的送到另一端
可惜打了兩次也是失敗, 可能他連電話也賣了也說不定

吃飽之後去了網吧(怎麼…沒有上網輔導員的?), 原本打算玩BF豚2, 可是莫古太靚仔的關係
結果就是時光倒流, 返回我和大家上一次到網吧時的越南時代
歡樂過後搭的士返屋企, 因為住得不太遠所以沒所謂啦, 只是版豬因為爆水管所以要兜遠路

夜晚就只是睡了一會又返工, 所以上班日子(2日)會很眼訓了…


Picture for Mr.Sakurai:

4 thoughts on “(真) 五月一日

  1. 乜係+45咩?!!!
    點解我上次打+44send sms你又話收到(即係呃我….[emot]cry[/cmot]

    那…那當然是你最喜愛的白汁啦!!

  2. 那是什麼……..OTL

    你地有我電話咩? 唔記得打+45?
    我老豆成日打比我都冇問題
    定係你打左我香港個電話呀? (笑)

    我好似冇比過個電話阿b喎…好似

  3. 覺得唔係太值? 最緊要你話開心o者…
    野食都算係咁喇, 條大星斑(?)都唔算太老咯
    原本去街邊乞食的話, 百幾銀都冇咁豐富啦…

    下次去乞都係等佢乞上門….

  4. 真係辛苦哂大家左撲右撲,不過呢晚真係好開心,唯一唔開心係我覺得食得有o的貴…..

Comments are closed.