廿一世紀電話網絡

今天放工預定拿眼鏡去送修替換, 老媽說「不如今天也把電話攪定吧」
也好, 就去吧

首先是–
眼鏡佬的妙問妙答:
我=我, 肥=眼鏡佬(佢真係好肥架!), 媽=娘親
我: 阿師父呀, 有d野想問問你, 其實配d眼鏡呢, 一般會唔會長短腳架?
肥: 一般係唔會長短腳o既
(我脫眼鏡, 擺直那對眼鏡髀示範)
肥: 係o丫, 我知呀
我: (下?)
肥: 你呢個唔o係我度配架嘛~
媽: 唔係呀, o係你度配架!
肥: 係? 比個全名我 (對record)
(視光師小姐找record…..當然不會找不到啦)

結果之後肥就支支吾吾的一輪之後說會替我換過, 不過就要放低一星期
今天沒有帶後備眼鏡, 明天來吧

哦….原來睇地區o既…(大拿拿五舊水喎…)

去o個陣七點幾, 如果要帶號碼就要等老弟返到來, 結果等到8時(冇計, 老弟7點才在小西灣走)
但係返到去超多人….等左半粒鐘, 早知去食飯先…又冇位坐喎

終於到我, 試機
mon-冇事(特登整定d白黑圖, 藍牙去, 冇問題! 但係未試過連palm上網)
掣-ok, 不過因為係推頭機, 掣都比較平
喇叭-超大聲….又, 即場隊左隻鳥の詩落去, 仲有隻真係震耳欲聾的翼はPleasure Line落去, 仲有試左download陳醫生隻《不死傳說》….好削…我應該即刻隊我download架仔o個隻好野落去…
視像streaming-都ok啦, 叫做睇到野
TVコール-唔知點解兩部s103試, 會猛起格仔花畫面…..算, 呢個唔係我主要目的, 到時可以跨到網先算(細佬個台係3仔)
基本上都ok, 但係……
點解條友填幾張form仔都填成半粒鐘…我o係度一路等佢一路試玩下部機, 佢唔會一路等我一路慢慢寫下話….
基本上都問得好清楚, 有鎖機, 解鎖500蚊, 毀約賠3700, 18月約
因為再要舊機回贈先有齊1500回贈, 所以舉左部神神地o既三叔n620比佢地…試過打得到電話就得啦
但係竟然仲有兩舊水回扣!

但係出機帶number過台的話部機要等成功過到台先帶得走……..!!
幾時有d咁o既例架?! 新世紀新裝修新人事新作風呀?

有時呢d野, 駛唔駛跟得咁足? 爭o個兩日, 又唔比我差電, 連摸下部機都唔得呀? 真係吹鳩脹。
錢就收左我喎….咁即係點?

「車, 邊個叫你係要去佢度出機呀, 抵你啦羊牯!」

……………。

戰果: 九點半先開飯….結果去左吃泡飯。
不好吃的。