15/04/2021

下雨天 地鐵 白爛

一直也很想講講這個怪現象: 有沒有試過下雨天的時候在騎樓底擔遮?
沒有試過? 那麼也一定看過吧, 最起碼給人家的雨傘滴到一身濕晒也試過吧?

今天上午一直下著雨, 時大時細, 碰巧我卻又要週圍走…
已經避開了最大雨時, 停下來等一等的了
奈可卻避不了不是由天空下的雨–簷蓬下的雨傘滴下來一滴一滴的二手雨

明明都冇撇雨, d死人頭係都要擔住把遮有獎羅咁, 算點?
好似閂一閂把遮會死咁…

結果: 我寧願滴人好過我比人滴, 我又擔…
(這就是香港人的公德。)


在地鐵遇著d死八公又係會令到你好"mang"…

這位死八公不斷的在「裝」我在看新聞的電話
我忍無可忍, 冒住比人打o既危險都要點佢相 (註: 電話拍照大聲到聾o既都聽到)

不過, 佢裝你, 你都有得避
但係有d衰佬就專揀搭地鐵o個陣放屁…仲要唔食滯o個日唔搭添….
於是, 陣陣「香氣」順風而上…隨時真係頭卡放屁尾卡受罪….
搭東涌線仲慘, 地面路段氣流比舊地鐵列車弱得多…毒氣積聚久久不散….
(這也是香港人的公德。)

結果: 我想買過塊放窺貼…


今日又忍不住花了點錢:
因為洗衫唔記得拿走紙張, 結果我替老媽增加了工作量(yeah~)
為了陪罪, 去了老媽中了毒的無印良品買了兩包麵包給她吃(她說喜歡吃的, 而且熱量低脂肪少, 是較為健康的一款食物)
但是她見到了之後就說「你唔好再買比我食喇…」(啊…)
我應該怎做才好….

除了這個, 還終於買了條手機繩:

我應該掛psp還是掛電話….(沉思中)


放工還是應該第一時間飛奔回家…