08/05/2021

[◎◎] 真嗣誤中流彈身亡 (仮)

就正如大家所聽說的一樣: You\’re fired! (飛黃騰達?)
今天我就這樣回了「公司」然後回了家, 晚上上學。
話說今日真嗣先生照樣的上班去, 還在lip口撞見女同事Connie, 一起上樓, 看起來沒異樣
還聽了個客的電話(蝕哂!!), 然後女同事Lala回來, 待她安頓好之後就說「這個是(老細)Dennis給你的」

「I am regret to …….」

然後我問佢….:
(below is translated from english. conversation is done via ICQ)
「咁即係點? 我聽日唔駛返喇?」
『這是今天開始生效的』
「咁即係我而家可以起身走啦…?」
『你可以自便…糧會寄比你的』

琴日我仲冇停過手, 今日就唔駛做了, 真好。


我自問…做野都幾爽手的, 而且你地交帶我做的東西也妥妥當當的做完了, 這樣你還想怎樣?
雖然係開始的頭幾天有中過眼訓, 還有玩IM兇了一點, 可是那是因為你們沒有工作給我呀….!!

無啦啦叫我走….仲要話我唔做得野, 我真係好唔忿氣
不過, 我都費事同佢地呦喇. 因為:
昨天公司的人也拿了我的ICQ, 從他們的info(如果是真的話)可以看得到….:
原來我可能是全公司最年長的人……._&line; ̄&line;○
不是我「歧視」so called 後生仔, 只是爭o個幾個月, 變成了另一年出世的那些人(因為讀小學都已經會晚我一年), 思考迴路已經和我不同, 而且很自以為是, 但是腦袋卻是杏仁豆腐….

但係我唔會冇野搵野做囉…..你想我做幾多野, 你咪出聲囉, 你唔出聲, 我係絕對唔會做的, 大佬, 我由一開始都冇諗住同你過人世架喎……

返了(接近)一個月的這份「工作」就這樣完了。
失落總會有點兒, 但是也落得輕鬆, 這樣我還有一整天的時間去料理我的功課(又是為了功課….)
是不是因為學業影響了事業我也不知道, 只是覺得自從上了year 2的科目之後, 我成個人都冇咁好「老皮」。
可能又是因為時間「唔見駛」的問題。最近也是要攪到成點鐘才睡, 可是第朝七點就起身了, 煮早餐食完就滾水漉腳咁換衫走人, 然後去逼沙甸同阿婆爭凳仔…….

我已經有這種想法…: 咁辛苦為乜…..夠用就算了
可是現在要: 有得用才算


如果有興趣「投身」做這類型的公司的話, 就請三思了….我開始懷疑十間裡面有8間都係差唔多….

9 thoughts on “[◎◎] 真嗣誤中流彈身亡 (仮)

  1. 佢係咪真係見過好多世面我就真係唔知喇 (最起碼…我望落真係唔似)
    不過講真, 細公司冇咩前景, 走就係遲早的事, 佢地都應該明白
    若過佢地留你, 都要諗過啦

    謝謝你, 我會努力向著脫蹲而努力的!

  2. 可能因為我一開始就是「這份工作是過渡性的」, 讀完書之後就一定會轉工, 所以如果你要說主動性我可以說是零, 沒有交帶的東西我一定不會做多。
    若果是這個原因的話, 我唯有無奈接受…

    裝"找野做" ←這個能裝嗎? 一找就要做了, 我可不想, 尤其是這樣的場合。
    做得多, 越踩得深, 就越難走….
    裝"非常順手" ←我才進來一個月…才剛剛順手起來….。


    又或者我有另一個朋友說…可能試著找一個散工…
    又或者是找到一個人工更加低的…

    我那一天接電話實在是忙過不停, 可能他們怎樣也看我不順, 所以無論怎樣也會做出一大票的理由。

  3. 只是戰死的意思, 沒其他….
    那只是攪笑而已, 不過也是會有人不喜歡的…先除去吧

Comments are closed.