by 這個星期五我簡直想去殺人
可是放工之後又沒有心情去開無雙出來斬他個千刀，可能因為沒有自設武將樣子所致，KOEI可以想想這個點子，出個辦公無雙， 應該可以好賣過三國無雙！
「今日，我地係咪攻打人事部？」
『唔得，人事部有深水埗許褚，太大隻我哋人少唔夠「嬲」死象，仲未夠打，應該砌低IT班死肥仔先！』
「但係咁喎老細，佢哋就喺我地隔離，萬一佢地覆桌咁點算？」
『哦～，咁你哋陣間就要剝佢哋光豬喇！』
…….
（下面寫的東西可能有點technical，請注意）
通常，香港公司都會有一些年資很高的員工（例如攞咗「老人牌」的），都會將一些陋習習以為常
很幸運的，我現在這個公司就有一半的員工都是老人牌持有人
但是講道理的，就已經是瀕臨絕種
相信這樣的情況都有很多人遇到/遇過
事發經過係一朝早，條粉友話Outlook少了一些東西（實情係Default有的，但係條粉友自己手痕手癢的清咗）
想叫我upgrade上2007…
我咪話，我唔識support你架喎（事實上又真係有license可以upgrade）
跟住就猛叫我入去睇吓
（….而家咩啫，我整壞架？）
我有點無名火起…然後仲要無神神貼句咩「記住個腔」
（咁即係點呀！撩交打呀？）
其實佢遇到的係個小問題，但係你要玩嘢，我咪慢慢做囉
又因為公司要洗晒翻版，咁就順便做埋啦，問咗粉友點晒頭去馬
咁就更加有排做喇，條粉友自己裝裝埋埋一機都係老翻…
剷到去其中一個software…
（「」係粉友，『』下係我）
「我要用架喎」
『哦…咁你同老細講囉』
「咁你而家係咪全公司都有翻版用緊先?」
『……我而家咪就係要剷囉』
「幾時呀? 今日呀?」
『有schedule架!!』
「…羅黎睇下! schedule…」
又話
「….(唔記得)報警囉咁」
(拿起聽筒)『咁你報囉! 拿!』
「…你而家做咩o者…」
『你話報警架嘛, 拿, 噤埋街線俾你喇, 報啦!』
「……」
然後死狗….
食晏嗰陣同事講起，佢原來走咗出去問啲同事有冇老翻，答案好過癮
「用嗰個都犯法架喎好似」
我唔知係咪因為咁樣，所以佢收火
咁，如果佢真係要報警，我都奈佢唔何，只係會攬住一齊死啫
經此一役，我要調較一下計劃的進度，可能提早量地都要做一次
無端端為間已經冇留戀的公司（又唔係大喎）食隻死貓都幾大鑊又唔抵
講到計劃…就真係幾…樸索迷離
第一次係去見agent的
第二次係去見間公司的(1st)
第三次係去見間公司另一個post(1st)
第三次係去見間公司另一個post(2nd)
…咁我其實幾時先走得呢…個agent又未打俾我喎
真係頭大
咁我要點算好呢，真係需要大家小小意見
（留言如涉及上文所述事項請用隱藏，這樣只有我才會看到，或者私下搵我解決咗佢啦）
