想

想了又想, 還是不要繼續那個問題
每個人都已經有其固定的價值觀, 在叫囂下去就會變了維園阿伯對鬧, 豪無營養
總之我就是固執堅持乘扶手電梯就不要走就好了

忽發這個題目, 其實我觀察了很久, 我
每朝每晚都乘地鐵, 看見落車乘客都像螞蟻「嬲」(←正寫是?)蜜糖一樣, 但是不想行的人就從來不會一開始就在電梯的右旁等候乘扶手電梯, 而是在左邊切入, 踏到電梯的踏板之後才斯斯然的找個位置企在右邊
….其他趕時間的大眾就給這些人阻了不少時間

所以…不如大家也不要行不就好了嗎? 這樣電梯的吞吐量也會提升呀
舉個例子
地鐵扶手電梯一級一般只能站2人, 假設終點位置每10秒有10級走過, 若果企滿2人, 10秒內搭乘量就是20人, 若果讓了左/右其中一邊出來給人嘗試拼死的高速移動, 又假設半邊梯級的闊度不足以令人可以大動作的跑動, 只能行走上/落的話, 肯定比企滿2人的搭乘量少, 除非行走那邊每秒可以有多過一個人完成這趟扶手電梯的旅程, 加上入口處的走位因為要預留空間給想高速移動的其他人, 加強了樽頸效應

如果地鐵已經叫人不要走電梯的話, 那麼走的人算不算犯了地鐵附例中第28A條「不恰當操作設備等」的第(c)項:
「不按地鐵公司所指示的方式及秩序上落任何自動梯，或企圖不按地鐵公司所指示的方式及秩序上落任何自動梯」
違者罰則: 罰款$5000及監禁6個月

「要趕返工o丫嘛!」唔預時間係你唔o岩, 點解要我陪你趕? 我明明仲有三個字可以斯斯然慢慢走…
「趕住去搵朋友!」唔預時間係你唔o岩
「趕住返屋企」…全世界得你放工o既…我又唔想趕返去o既…返左1日工, 你又唔攰o個度好野喎。

爭先恐後, 因快得慢…這叫公德心?
我都未計我企右邊, 但係左邊d人衝住咁落電梯, 撞到我鬼死咁痛…仲好意思叫我借歪?

其實講咁耐, 我只係想講: 有時右邊企得太多人, 我會企去了左邊, 我都想讓人過, 但係行到落去右邊已經滿晒人, 我又唔想行, 所以我會覺得有人企著時就唔好逼人陪你行
不如下次如果有人想行, 我會好好禮貌兼耐性同佢解釋一下, 點解我會企o係度, 講完都行完程電梯, 人家又發唔到爛渣我又唔駛行, 豈不是一個雙贏的方案嘛!