06/03/2021

拉屎也要交稅的日子很快就到


今天在地鐵站的死角位看到了一個counter, 有兩個很hea爆的妹妹仔攤在檯上除衫一手拿著這樣一式兩份的小冊子, 只是語言不同但是內容也是一樣…都是各位很不願見到的

在一開頭, 早逝兄將責任完全歸究到:
1. 只有小部份人交稅
(這樣有問題嗎?)
2. 需要穩定收入來源以確保再來的經濟低迷時大幅加稅或者大幅削減服務
(這個不是我的責任吧? 我只有雞碎咁多, 為甚麼不是賺幾千幾百億的那些交多一點而向我們下手? 現在不是賣旗呀!)
3. 應付各位老人家和未來的老人家, 你們需要交稅。
4. 「在能力範圍內交一點稅,是市民應有的公民責任。」
(….你講到老奉咁….望望那些掃街掃到仆街先有三幾千的人, 你們他們有甚麼能力…? 就連掃地都唔識呀…拿掃把當剷來剷塵呀…orz)

然後恐嚇各位市民/納稅人:
1. 如果你地唔交陀地稅, 你地會好麻煩的
(嘩, 我好驚呀, 我又唔信你唔夠錢會炒警察呀)
2. 如果到時又再經濟不景, 到時我們就要加稅。
(咁…到時先算囉…)

之後提出拯救地球的好方案:
1. 銷售稅人人也要交, 水電煤, 電話巴士到飛機大砲也要納同得稅率。排污費也算, 就是說, 你拉一坨大便到抽水馬桶然後沖走也要交稅!!
(哼…我儲起佢!!ge)
2. 這是一個公平的稅項, 因為這是根據你的消費額以定, 洗得越多交得越多。
(就是說, 若果你完全不花錢, 你就不用納銷售稅了, 真好……扯, 一個人洗得幾多, 結果就係: 一個月入十幾萬的人, 和一個月入五千的人, 同樣去大媽樂買一盒叉雞飯, 相對個人收入而言, 那個稅佔收入的百分比, 是五千元的那個肯定比十幾萬的那個大吧?! 公平?! 公平就要共產!! 聽日就批鬥晒你班有錢佬, 睇你仲公唔公平…)
3. 可以保持香港的競爭力
(我聽到的版本是: 市面商店的售貨員和遊客說, 香港因為沒有銷售稅所以是購物天堂。若果香港也有銷售稅, 我就不會在香港買東西了。)
(遊客一般不會理會除稅後的價格, 就算有稅退也只是後話, 第一印象已經覺得貴, 購買慾已經打了折啦。試想想若果買水貨, 來源地已經一次, 來到香港再一次, …….那不就是太過份了嗎?)

我的意見是對這個稅相當反感, 買日本產品已經給日本徵了5%(註: 大多平行進口都因為沒有正式代理商, 進口商都是在日本的店舖購入貨品回港賣, 而日本產品的價格已經包含5%銷售稅…), 你還要再來一次嗎?
還有, 我有甚麼理由一用錢就要給你錢…那和陀地有甚麼分別? 甚至比陀地更霸道啊!!

結果我也只能說風涼話: 挑, 覺得貴唔好買囉…食品覺得貴咪唔好食囉, 電覺得貴咪唔好用囉…

10 thoughts on “拉屎也要交稅的日子很快就到

  1. 唔, 你知道嗎?
    今天的報紙引述肥彭的理論, 可以去看看

  2. 其實有錢人的確會比窮人用錢用得少(按比例)
    一個幾千人工的人,可能會個個月清袋,即係三千全數去消費,人工百份之百交 o左消費稅。
    但係一個搵十萬人工的人,可能只係用五萬一個月來消費,結果只係一半人工係用來俾消費稅,其他有剩的就用來投資,回報高過 5% 就已經等如唔駛俾消費稅。
    所以消費稅基本都只係收窮人錢...有錢人?你收夠 10% 消費稅對佢都冇乜影響。

  3. 簡單一點, 出糧時像MPF一樣扣多5%不就行了嗎?
    一樣是5%而已嘛….

    (真的這樣做我看暴動都似…)

  4. 我覺得係雞毛蒜皮都收, d 行政費用真係正囉, 講乜都係假, 收 5% 稅, 有最少 2% 去左行政費用, 我就覺得很不爽 !!

    搞唔掂個行政費用, 我點都覺得係把鬼 !!

Comments are closed.