食在香港．HeSheEat

同朋友睇完戲之後，佢話好想去呢間嘢掃雷，因為朋友話佢收得夜最後都揸埋車出去掃雷，在事前我唔知佢有乜嘢係好食的情況之下就跟咗佢車出到去掃雷…

在睇戲之前一行五人的去了盛記打個靚邊爐已經飽到喊出聲，喺車上朋友說是食waffle，我已經心想不妙，喺香港食完晚飯再食甜品已經是常識吧，如果夠正宗的話，waffle的密度會很高會飽到不省人事。不過我飽不飽也好，食過正餐的話絕對食唔落…店家啊，先不談熱量，是我沒這樣的食量啊…最先賣光都是最最最Light的幾款啊，你有看出些甚麼嗎？

進店之前店員已經講Crepe賣光，Napoleon賣光，Tiramisu賣光…如果賣點是這些正宗法式甜品，賣晒的話咁客人見到（例如我）難免會失望而且印象分都打折扣了。

最後點了的是一個相對的比較輕盈的「綠茶奶凍」。

由上至下的構成是一球綠茶雪糕，肉桂Crumbs，蘋果，鮮忌廉，最後就是綠茶的奶凍。如果只是最底下的鮮忌廉和奶凍是沒問題的，吃了一口，綠茶味不濃不淡在口腔內擴散開來，口感亦很幼滑，感覺良好…問題發生在夾硬載在上面的一堆其他東西。

首先，玉桂Crumbs是完全沒有玉桂味，蘋果有煮過但完全不甜而且很硬，口感很像10蚊3個的強國富士蘋果……

最後我忍不住問了店員用的蘋果的品種，得知是「澳洲青蘋」（Granny Smith），是酸味的品種，糖度僅有約6度（註：糖度和酸度可以並存），煮過可以提升甜味但都只會升到11度。如果用Jonathan（日本名為「紅玉」）的話糖度最大大概有14度而且酸味充足，非常適合做甜品。（註：日本富士生蘋果狀態也有14度而僅有微酸）

但是問題都不在這裡：玉桂和綠茶會互相競爭，已經不是朱茵和韓瑪莉的曖昧關係，再加上蘋果件就像來打醬油一樣，我想不出加進去的意義在哪…還有未說這個綠茶雪糕！本身綠茶奶凍的味道是淡淡的，雖然是奶凍但沒有很膩的感覺，是很滿意的，但係呢球綠茶雪糕不論係綠茶味同奶味都完全搶晒剛才講過的食材的味道…

我叫奶凍的意義去咗邊？

…我好撚失望呀屌。呢個甜品根本唔應該用呢個形式存在喺世上…店家啊，你看得見的話可以改改佢嗎？？

店舖有兩層，雖談不上寬敞但不會覺得迫夾，地下比較開揚。二樓空間感就等如零了，猷幸沒有侷促感。不過聲音迴響太大，加上港人講嘢幾乎*無論喺邊度*都係鬧交咁大聲，所以得出來的結果就是原本一間可以好優雅的甜品店變成了居酒屋。食完行返出嚟我的耳就好似聽完演唱會一樣的有耳鳴同覺得有點痛= =”

返了屋企，開了某飲食網站一睇，全部都係讚到上宇宙，真心覺得好打手。我要讚的是店員大部分都很友善服務很好，不過環境太嘈想用很優雅的聲量下單結果其中一位朋友的芒果熱情果Smoothie變成了牛油果Smoothie了…雖然「No Wifi Let’s Talk」的意念是很好，但是現實變了「Shout it loud」呢，唉。

HeSheEat
旺角白布街22號藝興大廈地下4號舖
5571 3056
Always Open (Facebook page 自稱)
14:00-01:00 (店舖門面)
https://www.facebook.com/HeSheEat