食在香港.拉麵Champion 「北海道毘沙門零」

香港說就是說有拉麵BOOM,但是開嚟開去總是豬骨湯麵,就算幾鍾情豬骨味都會有吃膩的一日才對,但是店舖數目就像樓市一樣有升無跌。之前這個「拉麵Champion」開店時我不在香港,到我想去但又被電視台的兩位死神 眷顧 摧殘完,到人流終於回復正常後才有機會可以一試。

我想試的就是在豬骨拉麵之外的味噌和醬油的拉麵,這兩種湯因為被香港人打成「一味得個鹹字」和「味精很重」而被篾視,所以為香港一直找不到好味的而覺得沮喪。(註:食物鹹和落重味精沒有必然關係)

(好像)每個Counter內都有講日文的人,然後這次選的這個在門面還有個歐巴桑在熱情地介紹麵豉湯「同你出面飲啲麵豉湯唔同架!出面嗰啲得個咸宇但係我哋呢啲係完全唔同架,試下啦!」(汗)最後我見到有辛味噌,店內的哥哥用日文講我又用了日文答(汗)

我點了一碗辛味噌拉麵

20130504-000557.jpg

Um……有幾個問題:
餐盤不是日本那些會啜住個碗的材質,要千山萬水(你要知道香港人橫衝直撞是家常便飯)的捧回去是一個挑戰。成功唔瀉湯返到位應該有成就解除XD。
味噌不是信州不是名古屋八丁那些,不突出但是還是吃到有鮮味,不過因為我點的是辛味,而且也真的很辣= =” 所以吃到後面我的口有點麻痺= =”

還有就是麵的軟硬度不能選,而且已經煮得很軟……食到中段已經糊掉了 :(

20130504-000629.jpg
重點是麵上的蛋……樣子 好似用較剪開咁 二手咁,幾好味都扣晒分了 :(

看開飯網都見到,出品品質不會像正規店一樣,都已經有心理準備,但是你這個樣子嘛…………味道沒大問題但是會扣開胃度啊 :(

仲有呢,呢塊簾你想點的?!

20130504-000704.jpg
塊簾應該係澡堂或者溫泉先會出現的!!

「ゆ」係就係寫做「湯」,但係日文的湯係熱水咁解!!寫個日文字就係和風的思維,令成件事好變得好「女人街」--老翻衫上面求9其印啲日文字上去一樣…(但係而家咁樣都俾英國人諗到變咗一門生意,仲好多人鍾意著…= =)

有好幾間店就算在官網也找不到師傅的來歷,換來的只是勉強合格(我要求高了…)的出品的話,我看我未必會再來的了,因為我感受不到造麵煮麵的人的「心」了…

不過呢,看到那簾,突然我好想去浸溫泉啊啊……

Ramen Champion
佐敦彌敦道222號
恒豐中心地庫Ramen Champion 2號舖
9685 5356
11:30-22:30