by 
【非打手文】雖然香港人食「日本嘢」隨時仲多過日本人，而且香港人對日本「潮流文化」接受（同抄）嘅能力都係全宇宙數一數二，但係文化始終有差異……所以香港就從來冇出現過雲吞麵會有成pack你買返去煮，又或者係邊個麵檔會有即食麵版賣，令到日清同香港人上咗癮的豚王（凪）合佢出了香港第一隻和店家合作的即食麵。
香港日清出了（在香港）成名的招牌「豚王」和香港人也很喜愛的辣味「赤王」兩種，算是非常穩陣之舉，看到日清的麵被大陸的平價辣麵逼到自己都要出平價辣麵就知道，香港人唔知點解咁鍾意食辣同豬骨湯（連麥記嘔嘔粉都有埋……）。
煮法和普通即食麵一樣，先將湯粉同調味醬包倒出到麵碗中。包裝寫的煮麵時間兩分鐘係呃人的，約煮60-90秒就可以，我没有特登去數時間，用筷子可以撩得開就差不多可以熄火。
最關心的味道：湯的濃稠度和原版在店食的是相似的，味道也調得很像（當然不會是真正的豬骨湯啦……）。包裝都教你在倒麵落碗時先倒湯，不過我發現只靠用煲內的水去衝散是不夠的，要先放煮麵水去然後攪匀才放湯食才是最似原本的口味！整體也會有「令你回味在店吃」的感覺（當然在店食是最好食啦），如果會自己做叉燒就好了……
用來頂拉麵癮是上佳之品，用來當即食麵主糧就覺得支出很高（貴過出前一丁一倍啊），整體我覺得可以入貨但是……
香港人，用不著搶吧？世界仲未末日的……
豚王的醬包有用到豬油，是愛靚的朋友們的天敵XDDDD
