自從三月香港屋的老細撤退回了香港之後都冇再去過食乾炒牛河（可能因為我學識咗炒…），今日和朋友一齊去再驗證到底佢有冇跌到watt…..

一去到心想已經有點不妥….招牌已經唔同咗，最大問題係變成咗「中国料理」，明明以前要寫明係廣東料理…….

看到Menu（門口放的Menu牌個Menu字係串錯字的….）有「香港風シュウマイ」（港式燒賣）同埋「香港風焼きビーフン」（港式炒米粉*），我諗應該安全掛ーー就算望見入面個廚仔都唔同咗人，最後都入去試試掃一掃雷…

見到入面原本的擺設大致一樣，但係牆上原本有的食物實照就消失咗了，還有個最大的問題係店內的人都唔識講廣東話！！！！

Menu的相也有着微妙的差異…..
最後我們點了踢館菜：燒賣、港式炒米粉*、最後是偽乾炒牛河

燒賣上枱時都覺得心知不妙………果然真係叫得做乜乜風的都係雷嘅多
你見過好似罌粟花冧一樣樣的乾蒸燒賣未呢？
樣我可以唔理，如果味道OK就算….喂，你落咁多胡椒粉做咩先，有得分呀？
仲有隻蝦真係好大隻！大隻到搵唔到咁滯…個皮又唔夠黃！

再來是個炒「米粉*」…【(*):因為日文也可以叫乾炒牛河做牛肉焼きビーフン，所以不知就裡的我們點了….】除了與我們的期望有着相當的落差之外，味道是有的…佢係用黑椒乾炒再加了不少胡椒粉還有雲耳….

雲耳？……你落啲雲耳落去把L呀？

之後一問原來所有人都是普通話人
再來叫佢哋炒個乾炒牛河

佢哋竟然係唔知咩嚟！香港屋喎！「香港」喎？！仲要我要攞返三月時店主炒我食的牛河相給廚看！

最後出來….

點解又有椰菜又有小松菜，我而家我張相好唔清楚咩？你真係唔識嘅，唔緊要….問人吖嘛仆街！

最重要係….你炒咩呀，咩味嚟架….好L怪呀….真係好想衝入廚房我自己炒囉！！！
要鑊氣無鑊氣，牛肉又細舊又鞋又霉霉哋，結果我又食到胡椒粉
我絕對有理由佢哋用的肉全部都係用急凍肉之餘，仲要係霉霉哋的急凍肉

我炒一定好食過你炒呀！！

你…會呃到日本人嘅，但係你已經將中野新橋香港屋個名完全摧毀了。多  謝晒你哋呀！