[谷氣文] 和外星人的共同生活

經過了半年的Working Holiday，我所住的Sharehouse由原本只有我一個人，到六間房都全部住滿人，實在很不可思議…更不可思議的不是文化的衝擊，是生活習慣的衝擊來得大得多……內文極核突地重口味，慎入

主要的問題係：我唔做就無人打理Public area （廳，廚房，廁所，浴室）

日本的屋都有玄關俾你除鞋，唔好著埋入屋的，但係除咗我之外我的所有同屋都試過照踩屋外鞋入屋（土足），更甚的是佢哋會照著屋內拖鞋出去買嘢（因為我屋和Lawson 100只有20秒的步行距離…），然後就這樣直接回自己房，這未算最強。

最強的是他們已經很多很多次將那對著過入房，著過入屋，著埋出去街的室內鞋直接踩入浴室！話日本是乾淨的國家，但是室外的地下始終都係污糟的，我唔止見過煙頭，也有痰，香口膠，還有真的狗屎和疑似人屎….

你將最污糟的東西帶入去用來清潔自己的地方…而且不理浴室地上有沒有水，照踩…次次入去都見到一攤攤黑色的水…

除了這樣，浴室他們永遠不會清潔…浴缸唔會洗（我每次洗都會捽到一缸黑色的老泥水…），入居者有兩個女仔都係好長頭髮，但去水位唔會執頭髮，還有好多係落咗去渠位塞了去水，積到一餅繞住個去水口都無人清理…

我還未說發現有神秘黏液和鼻屎在牆身和洗面盆出現了…還有某人的浴巾我諗佢住咁耐都無洗過，一朕Fox味…

廳全部都係塵都算，我見到都會抹/掃，但你地開完Party食到一地都係嘢係咪都應該執好先瞓呀大佬！唔係我有份食就我執*晒*先得架~！可以飲到唔知幾點然後出面打完仗一樣咁你哋就去瞓到黃朝白晏…惹蟻架仆街！我同你地洗碗抹地攪咗個幾鐘呀！！

西人比較多，食麵包多過食飯，你整多士食真係無問題的，我都會整嚟做早餐。但係你整到一檯都係麵包糠係咪應該抹下檯呀？唔係我又有份食又入我數下話？我朝朝都掃乾淨先換衫返工架喎！

都唔止麵包碎，飲完啲唔知咩甜嘢黐立立呀，有啲神秘白色黏液呀（應該係加拿大女整的生果Yogurt），食炸嘢的油呀…etc 所有（係所有）除咗我之外都無人抹…

廚房又係一個精彩的地方！鋅盤唔抹都算了！日本鋅盤的去水位大好多的，所以一般都有個隔去避免洗碗時的渣滓塞到去水位。如果每日要清理這個隔是很麻煩，我買了些去水位的不織布袋，到要清理時一抽就可以。剛剛我去青森三日，踫巧是倒垃圾的日子所以我無攪到個去水位，我以為他們會見差不多應該要換的，但是他們可以一個禮拜唔換…

爐頭唔抹，都算。你哋洗完啲碗可唔可以用條布沫乾佢，唔好就咁陳列晒喺爐頭呢？你哋疊到咁有藝術Feel我好難做的… 更甚的是，你哋可唔可以唔好洗完啲碗乾乾淨淨然後喺隔離煎嘢囉！！啲油全部彈撚返晒落去，又唔理！！整跌我個糖罌落水就咁執返上去！溶晒出嚟呀頂你們！彈到連我樽油都一樽都係油呀！

食剩啲嘢又唔包保鮮紙就咁連煲放入雪櫃…你哋係咪黐膠花架？雪櫃門啲格無晒位又係咁質…你哋知唔知啲嘢係會爛架？

廁所先精彩，又係唔洗的，仲要有屎漬的…仲要擺埋啲唔知咩「香精」入去…好似某種臭味囉…

洗衫又係…日式上面揭蓋洗衣機咪有個網仔會裝住啲洗出嚟的毛頭之類的嘅？入面又係一世無人執…唔清咗佢洗衫唔乾淨架囉！！！

佢哋真係好唔衛生…到底佢哋過的係咩生活？廿幾歲人照顧自己都照顧唔到囉！呢班人到底食咩大的？定係我中撚咗輻射已經癲鳩咗所以唔同佢哋一樣？你話中美東南亞咁可能水準差少少，我可以理解，但係加拿大係已發展國家都唔止，連日本人都咁「喱啡」，連日本人都土足入屋，連日本人都照踩對拖鞋入浴室踩到黑晒，我可以點？

之前間中加拿女都有洗下廁所，一開始加拿女都有沫浴室，但自從佢知道自己就快要走就本pea（發音係p+hea）乜撚柒都唔做，煮完嘢食啲煲煲碟碟兩日都唔洗，次次都係我忍唔住同佢洗埋！

我都仲未講佢哋成撚日夜晚十二點幾成點鐘仲係出面廳好似八九點咁大大聲傾計呀！你哋住咗都幾個月喇唔好同我講你哋有時差囉仲！！你嘈唔到我但嘈到人囉！你哋都知道間屋全木造好透聲架啦喂！（同板間房一樣不過全方位，樓上沖涼沖廁講嘢大聲我都聽得一清二楚的）

又成日偷鳩我啲遮用…試過有日落雨我要用遮嘅時候我３把遮都俾人攞晒去用…我要淋雨…遮明明係我的…連Kana俾我的紅遮都笠鳩埋去用…我自己都唔捨得用呀調理農務系！！！

同屋有人有飯煲又唔用自己個！又要用我個可憐小飯煲去煮飯！全班都係自撚獅嚟架！

我想唔講粗口呀但忍唔撚到呀！

我只係想平安，健康，乾淨企理地過埋呢幾個月
真係咁撚艱難？