07/03/2021

當年今日 – 1月23日

舊年今日係大年初二, 當晚會放煙花, 而大年初一花車巡遊, 已經變成左過年default動作……幾時創新d, 請法國隻「蜘蛛人」來香港, 爬「國金包山」?將ifc2期貼滿包包….

(蘋果日報 2004年1月23日)
語港人把握契機 令經濟更上層樓
曾蔭權以雨過天青喻香港

【記者蔡朗清報道】昨日大年初一,陽光普照,喜雀啾啾,政務司司長曾蔭權昨午以和煦的天氣,萬象的新機,借喻香港去年經歷風雨後,新年伊始雨過天青是好兆頭,寄語港人掌握新一年的契機,大家一團和氣,經濟更上一層樓;打工一族可望加薪,他的政制檢討工作獲港人支持。

祝打工仔有人工加
政務司司長曾蔭權昨日在官邸接待傳媒,精神抖擻的他穿上傳統的深藍唐裝,襯以紅色頸巾,偕穿繡金唐服的夫人向港人拜年。外表西化的官邸,大廳布置古意盎然,屏風字畫,全盒年花,洋溢一片春意。曾夫人向記者遞上糖果全盒,再泡上一杯甜甜紅棗茶。
笑容可掬的曾司長向港人拱手賀年說:「恭祝港人事事順景,刻苦平安。我一團和氣,經濟突出。今年係香港好機會,祝大家工作愉快,打工仔有人工加。」
曾司長笑稱,大年初一一覺醒來滿屋春光,花園外雀聲啾啾,跳躍於樹枝頭,處處顯得蓬勃生機,心情非常高興。他以今日天氣,借喻香港去年經歷幾許風雨,今年雨過天青,大年初一有不錯的開始。
曾蔭權喜盈盈步出花圃,長廊上擺滿一盆盆由曾夫人親自栽種打理的蝴蝶蘭、富貴海棠等,花園內種有紅花怒放的吊鐘王、洋紫荊,配上假山錦鯉,翠綠盎然。他說,由於外圍經濟強勁,故本港今年經濟會有不錯表現,港人要把握今年的機會,「呢幾日親戚朋友買糖果,好多舖頭都賣清晒。」

政改檢討盡力而為
對於他既要負責西九龍文娛藝術區發展項目,又是全城清潔策劃小組總指揮,再加上專責政制發展,是否忙至「一頭煙」。曾蔭權則強調,港人有拼搏精神,去年清潔香港的工作不錯,在亞洲區除日本外,香港最清潔。他今年的任務要中港兩地走,在所難免,他會盡力而為,希望政制檢討工作獲得港人支持。
曾蔭權上月初榮升新老爺,他說兒媳早上已向他拜年;至於今年的新年願望,他誠心說:「家人開開心心。」他又按照傳統派利是,每名記者一封五十元大利是。


今日我都係打算post李八方隔牆有耳…
因為呢類型「新聞」比較少機會聽聞得到:


(蘋果日報 2005年1月23日)
TVB 新聞部摺埋駐澳站
呢個世界永遠有人鍾意扒逆水,人人都話進軍澳門,TVB 就自動撤退,連橋頭堡都放棄。無線新聞部為慳皮,前日(上周五)突然通知駐澳門記者張志承同攝記譚金榮,由即日起摺埋駐澳記者站,連架生都即日拆走。八方聽聞,張志承佢一早預有此一著,兩人亦好識做,即時遞上辭職信。
八方問張志承有乜去向,佢話暫時未有,不過,就好感慨咁話,八九年佢幫無記澳門開第一個駐澳記者站,估唔到兜兜轉轉,最後個站又係由佢自己閂番。
六嬸主政後,聽講無記好多個高層位置都由副手頂住,慳得就慳,咁新聞部阿頭袁志偉當然明白上頭心意,只有手起刀落。公司咁環境,大家都怕怕,所以有工就轉,兩位女記者陳嘉怡同王春媚都前後腳踏出將軍澳無記,轉投荃灣有線懷抱喇。


有線o岩o岩走晒班靚女冇耐…就即刻可以撬到個靚o既去做…即時新聞一哥真係不同凡響?
不過代價太高…好x貴呀~