15/04/2021

不吐不快

這是今天的一個工作。
話說要替客戶更換一隻router, 到客處他說不讓我拔掉舊線, 然後就替我拔掉
再替我將某些線插上, 然後就說「你插埋D線佢啦」咁
config完了, 因為呢個客比較怕班user, 我就叫佢問下班user睇唔睇到野
然後條友又話「d user唔睇架」(但係佢之前又講到班user好趕住睇咁)
然後捉左我入去試, 咁試到有野睇就得喇
「你試左架喇?」講都好似我呃你咁, 你冇野下話?
「你趕住返屋企食飯呀你?」………好似我呃你咁……唉 咁你慢慢試喇
真係呃你我就唔會企o係度啦


然後開始找碴…在機櫃拿了一條我也不知是插甚麼的線出來質問我「呢條線係咪你地架?」
「唔知。唔識。唔係我o既。」直接了當的答了他。這不是呼衍, 而是我真的不知道這線的來歷, 那我沒理由說是我的吧?!
「呢條線呢, 係你個router到拔出o黎o既」

…………..

哦, 你拔左唔出聲, 然後又話我唔插…..咁即係屈我o者….


經此一役, (好像)兩三個月來給人投訴了很多次
然後老闆說暫時不用做維修單了(yeah), 不過我看也快不用幹了, 不是我炒老細就是老細炒我(最好當然是前者)
其實這份工也越做越不開心越不起勁, (這算是我的無聲抗議? 這個算是理由吧)

同時也發覺我不太適合做這樣的上門工作, 很易會這樣, 性格使然, 盡量避免也總有漏網之魚


這個事件也不能說責任全在客人身上, 甚麼理由又或者有甚麼規矩要我吃這些死貓?
人客總是希望付出少少獲得多多, 但是切身處地想想, 如果你是我, 叫你越做越多人工卻越做越(依然這麼多/甚至減少), 你會怎樣想?
從前我或許會像這個客人一樣發爛渣, 不過現在的話就不會了. 因為已經親身體驗這種的滋味 (當然, 如果真的很不濟就另作別論)

對於這種沒標準可循的工作然後卻有個「標準」去評核這樣東西就實在是…
這兩年多期間, 越攪就越多野, 又要給客填服務滿意紙, 填得不好(就像今次的事件)就會這樣(↑), 不給客填又話我不給(今次又話我為甚麼給…那你到底想怎樣?)

不吐不快, 有意見隨便發表不用介意。