19/01/2021

小記:為口奔馳

這句說話是一點都沒錯的。絕對能夠形容現在我的狀態:每日都是忙著為著三餐很忙XD

因為自己煮食永遠都係最便宜,返工之後都繼續煮飯…但是

因為返工地方地點有點隔涉,放工都要花點時間才返到家,所以要每晚煮飯已經是不可能的任務,一次煮起一大鍋的餸食上幾日…

雖然已經盡量煮飯,但發現一個星期最少都要開兩次爐才能煮好,而且也不想諗太多款式了,所以來來去去都係食嗰幾樣XD 一食隨時可以食兩個禮拜….

最煩都是煮飯…因為自己買的飯煲體積太少,最多都只能煮三餐白飯,原本問題不大的,是因為日本米不先泡浸的話一定會煮出生米,浸的時間由30分鐘到1小時不等(我買那包米的米袋是寫浸1小時…@@)煮一煲飯要一小時,仲花時間過我煮餸…XD

伴隨著有工返的消息而來的是新同屋住的消息…我的獨居生活和燒錢生活一起完結了。新來的是個印度人,他是在某名大學做研究的。聖誕之後他會到香港開會幾天…orz

他是個好人…除了比較臭和核突之外…我說臭不是印度人那些香水之類的東西,而是他的腳…

有看過《幽靈公主》嗎?裡面的主角就是為了保護村子免邪神入浸,那邪神就是身體不斷噴出腐爛的東西,還有行過的地方,踏中的地方都會即時腐爛,而且那寫腐物質會食落地面,人一踫到的話,接觸到的身體那部份都會開始爛掉!!印度仔的腳臭就像那邪神一樣!而且係會有Time Lag的!剛行過不是最臭,而是蝕了落地面之後,整個廳都是臭的…..!!持續幾分鐘久久不散的!

加上廁所也有同一種味蝕了在廁所的地面….

如果再來一個不修邊幅的話我要搬走了…我真的頂你唔撚順….人幾好都補唔返呀

5 thoughts on “小記:為口奔馳

  1. 你好呀!!!!
    煮飯呢個point真係得去working holiday的朋友會完全明白嗰種辛酸T^T
    我屋企對面就係Lawson 100,可以過去買支つゆ做濃味雜炊都得XD

    我的大量白烚白菜已經在公司成為話題了XDDDDDD

  2. 所以從事飲食業好處,就係唔使擔心食飯問題!我無工開果日至會煮飯,無錢就ふりかけ加麵屎湯。

  3. 啊~睇漏左你個電飯煲細...咁真係無計了。 :)

    加油啊~!

  4. 你好~
    我剛好從日本Working holiday 回來,睇到你寫煮飯,很有共鳴...*拍肩*

    你家中有沒有雪櫃?有的話,可以一次過煮幾日份量,放入雪櫃備用。那之後幾餐都可以快有得吃。有微波爐就可以「チン~」,無的話,我試過煮一個味噌汁,掉晒d菜落去煮(但如果加紅蘿蔔要煎過先,如果唔係會澀..我賴過野),煮到收水..就成個冷飯丟落去做一個「和風risotto」…唔想等收水,就落少d水,或加麵粉/蛋白。調味就要試自己搞...

    我煮飯唔叻,又懶,只會煮埋d成日俾日本friend笑我既「去camp飯」,次次食完都好掛住すき家..^_^;;;

Comments are closed.