16/04/2021

吉隆坡機場廉航樓(LCCT)冒險記

我第一次搭乘AirAsia這種廉價航空在機上有個馬來西亞人同我講,香港個機場實在太正,指示實在太清楚了,唔似LCCT咁(其實…唔同級數喎XD)

實際係點呢?落機就知道了….

實際係……香港機場實在太好了…..

首先….落機之後行老遠先入到去入境大堂,出境(上機)的同入境(落機)的是同一條路,只係有一排鐵鍊隔開… 然後N班機同一時間落機,入境超多人…快要超負荷的樣子

終於入到有(微弱)冷氣的入境大堂,但感覺就像大陸二三線的口岸咁……..但是!!!絕對不像大陸!雖然冷氣一樣同無是無分別,但是國民/旅客質素始終有差,係有秩序的,就連大量的強國人民都冇爭先恐後,都只係排隊時係咁隊我背脊…同埋入境實在太多太多太多人了,企上半小時可能走唔甩,入境…我見好多人都要掃食指指紋的,但我攞BNO入佢又唔駛我咁做,仲好快過骨添…點解呢?

但!問題都不在這裡!

問題在過關之後就出現了…..入咗境去luggage claim,已經見到好多行李擺晒喺地下(得兩條運輸帶但村咁多飛機…)同埋….

SRLB ONF JKP WYI我掛喺喼上面的吊飾俾人偷/撕走/拔掉咗!!!去咁多次旅行都係第一次!咩事呀….?

但總算無唔見嘢,去兌錢啦諗住。大家都知道,馬拉有外匯管制,絕大部份香港的銀行/找換店都兌唔到馬紙(某間網站被黑,攪到要開新網址的店就有…),而且rate也很穩定(現在大約2.5-2.6港紙兌1令吉),所以我打算去機場落機後兌錢…但….!

我DKLM完全無規劃的….你做乜_嘢喺禁區入面整兩間銀行,出面又有兩間…一般根據「禁區入面的嘢貴過出面」的常識,我會諗出面的rate應該會靚啲,唔喺禁區入面唱住啦,問題又就嚟喇…

佢哋堆賣巴士飛的counter都喺禁區入面囉!!!! 但出咗去入唔返架…… 我錢都未唱,有_錢買呀…..

算,唔出都出咗,唱咗錢先,最後喺Hong Leong Bank唱咗(道亨集團嚟?Logo一樣)rate 係 2.62674 (1000蚊唱咗380.7)有錢了,唔理巴士住,買上網SIM先,簡單講下馬拉電話:

有三間大的,Maxis(唔係Sim City嗰間…),DIGICelcom。Celecom我真係唔知佢有咩plan啱用(都好似無XD),而傳說話Maxis係馬拉CSL…DIGI係似魚蛋粉台….咁我打死都唔買DIGI啦… 遊客可用的上網專用SIM收費如下:

  • Maxis Prepaid Internet Starter Kit RM20 3日有效,內含2GB流量,我買之時仲有優惠多送一日有效(合共4日) 3.6/1.4Mb
  • DIGI RM25五日有效,無限任做包見血,384/384Kb

384….會唔會慢咗少少呀…..

之前睇網上資料Maxis的櫃檯不在國際線那邊的,是在國內線的(情況同擺3HK counter喺遊客入境位,但擺1010喺自己人入境位一樣),如在頭先我講嗰間銀行唱錢的話,再繼續向前行(出銀行counter轉右繼續前行)就會見到國內線離境大堂了。同職員講要呢張(注意SIM係大SIM嚟要剪卡先放到落iPhone 4用),跟住用Passport登記,佢會教你開卡:先將卡放入電話,打122,再揀2(英文)就可以用了

問題係 我得部iPhone 4呀!DLLM我叫你幫我開卡慘過姦你老婆咁……但我急找巴士啊…上巴士剪吧…諗住

最後去國內線離境大堂問詢問處,佢叫我去國內線禁區入面買…咁我去啦,又行一段路,禁區出口有個守衛,我前面有個鬼佬問佢,佢放咗個鬼佬入,但係我問佢又唔放……………..

我忍唔住喇…我屌你老母冚家剷呀!!金毛你就放我就唔撚放?乜撚道理嚟架?跟住佢指我去問到巴士站頭買…-_-(巴士站頭在Terminal的外面…)

咁你哋整咁多counter嚟托柒架?定係愛嚟玩鳩我?知唔知我行咗幾多轉個Terminal?

原本諗住上巴士開sim用,因為之前上網找到的資料都見到我找的卡都係正常大小的SIM,所以我準備了SIM卡剪,但頭先咁俾佢攪一攪亂晒~我sim剪我咗喺行李,而行李而家喺巴士行李艙,即係我唔可以喺巴士開卡用…好彩,頭先喺機場有Wifi報平安…(注意個wifi僅夠做whatsapp….上facebook都上唔到的)

又好好彩地我冇塞車,一個鐘車到KL Sentral…

但我個軟喼俾架廢車的唔知咩油整到一喼都係油…好彩無滲入去…..大家,貴少少都要book定AirAsia架SkyBus…我肯定會乾淨舒服啲的!!

之後又被Google Map同當地差佬老點咗,搵咗40分鐘先搵到間酒店……

第一日就係咁無咗了………..


後記

新的吉隆坡LCCT正在興建,預計2012完成投入使用,到時除了接駁主力機場距離大大縮短之外,相信其他配套都會完善起來…

還有一個有用網址:http://www.lcct.com.my/
佢唔係機場官方網站,但係資料詳細過官網1000000倍