Biotherm Homme 男士高效能充電面部護理系列試用

早前獲邀試用Biotherm Homme的高效能充電系列
唔知大家對男仔貪靚而護膚有咩意見…（相信睇咗星期二檔案之後會見到原來咁多男仔有…）我自己接受唔到男仔化粧出街，我會覺得好難頂，不過話潔面呀，做啲基本護理的話，咁我都OK的

當我帶了下面的產品返屋企之後，阿媽都嚇了一跳（以為係俾佢的XD）

今次試用包括高效能充電潔面泡，高效能充電爽膚水，高效能充電面霜，同埋一支高效能充電眼部精華（即係黑眼圈筆）

泡泡的使用是相當簡單的….應該，不過原來新開的時候，支泡泡唔知點解要㩒好大力先㩒得出泡….算啦，唔唧都唧咗，跟住一路撻上面先發覺，我一唧就係兩次的份……

搽上面只有少許冰涼感覺，啱我（我好怕超冰極那些~~~）
還有香味都不會太濃（始終是Homme…）

洗完 兩次 一次面，再用爽膚水拍面（好似不停掌摑自己咁XDD）

之後等一陣，等爽膚水爽完啲膚，先用面霜同黑眼圈筆

支面霜亦都係同泡泡類似的唧唧口，份量大概是3-4下可以搽勻全面

最後支黑眼圈筆….要好小心，邀請我試用的Winnie千叮萬囑我小心小心，因為支嘢全支都係玻璃，加上圓圓的…如果檯面唔平，好易碌落地就係咁先 :(

於是我都好小心咁影咗張相….用法好簡單，沿住眼周圍碌兩三個圈，然後用手指輕輕拍打你碌過的地方等佢快啲吸收咁話

試用了一晚+一早，已經發覺我面上多了光澤，毛孔也好像細了，沒以前那麼明顯的樣子（是面霜的功效嗎？），另外就是面皮少了繃緊的感覺，感覺很舒服，好像少了一層東西積聚在面上的。第一次用這些專業的護膚品，感覺環不錯~~不過早上返工可能要趕一點才成…雖然都已經很方便，但是…仍是會花時間的，不過這一點點時間值得花吧！

（其實…係咪要影下使用前使用後架？我唔記得咗=口=）

是次試用七天，七天後會拍照給大家看看…

Biotherm的官網：http://www.biothermhk.com/homme/tag.php?gender=m&group_id=28&tag_id=42&entity_id=1192&/high-recharge

（Photos shot by iPhone 4）