22/01/2021

紅磡美食:聯記川王涼粉,媽咪雞蛋仔

女友星期六(7/2)去睇孫燕姿之前去紅磡掃街,但係好遺憾,黃埔街三大天王掃剩一間時新….. :(

第一個係聯記川王涼粉,出名夠辣,但係人哋講個老細好串我又唔覺,佢仲笑住同我落單添!

叫咗個*唔辣*的酸辣粉,但係要注意都係辣的,仲要很嗆喉,想食又唔係好食得辣的朋友請三思!去買的時候請向老細表明要唔辣

仲有個蒜泥白肉,蒜泥超充足,加埋紅油,一般凡人要小辣已經好夠,好夠味!注意此味沒有唔辣選擇,不過小辣係OK的!

記得買飛先等位,因為位不多,請自行解決去邊度食的問題啊!

之後過隔離不遠的媽咪雞蛋仔買了底朱古力味雞蛋仔,原本見有三四個人等緊,仲有張紙Mark住幾多人等,心諗唔知幾時有…但係點知我即刻有得攞 @@ 收銀個姐姐話整多咗=口=

唔理了~~有得即刻食~~

好熱好脆!

不過朱古力味比雞蛋仔味濃,歌仔都有得唱:「如果太多雞蛋仔味,朱古力味無定企 等到朱古力味返返嚟,雞蛋仔味又唔爭氣~~」
要平衡係唔容易,可能只有某奶先做得到…但係總體係好味道的!我中意食朱古力所以有bias,哈哈!

下次要試下原味,測試一下佢嘅真功夫!


不過因為之前食得太飽,無戰鬥力再去試時新…下次再去過~