金利來小廚

冬至正日，有幸去了金利來小廚，這間店之前是在牛頭角下邨的著名食店，很出名的

因利成便，這日有機會和女友帶我去試了

由於係大牌檔搬過去，菜式都係海鮮大牌檔的…炸！炸！炸！

椒鹽魷魚
好味！超好味！魷魚彈牙的，但是又不膩~~

金銀蛋菠菜
無覓菜…不過都好好食！！

爆漿龍蝦芝士丸
入面是芝士，食的時候真的要小心，太急會辣到嘴架！超正

酥炸生蠔
好味！真係好好味！無嘢講！食啦！

芥辣炒牛柳粒
芥辣味唔出…相影之下這個比較失色

魚香茄子煲
又係一個超級好味的！雖然無我在大陸食的咁濃味（大陸那些濃味到要麻醉你的嘴），但係剛剛好的調味非常正！同行的朋友都忍唔住要叫白飯來撈！

點解忍唔住？因為我地叫咗個荷葉糯米飯，奈何同隔離檯掉轉咗，我地有半圍人唔食隔離檯叫的臘味…所以等好耐都無飯去撈xd

豉椒炒蟶子
因為這個是漏單…鑊氣不足

蒸雞荷葉飯
超好味！就快食飽都可以繼續食落去！雞很滑同新鮮！就算有胸位都係滑的！一定要加豉油先好食！

滿足，不過因為等個飯，原本他他條條變成趕到黐肺，好彩店家有車送我哋去下一個目的地，幸保不失！

有機會大家都要去食啊！