by 星期四到東莞有公事幹，雖然有去過同一個地方但係上次到已經係一年前的事…再來的時看到店酺都不同了，加上上次有些很不好的回憶…
於是在前一天在網上找肯德基，以為找到，怎料現場看是假的…怎麼Google Maps的料都係假的啊….
正當我失望之際，再死心不息的用iPhone的Maps去找麥當勞，怎知又給我找到「附近」有！找肯德基錯了是因為肯德基官網都沒有全國分店地址，但是麥當勞是有的，一查之下原來這次是真的，好嘢！
現在出遠行我都有GPS記錄儀幫我記錄我的腳印，看似不遠的距離，放回Google Maps一度原來有1.6KM遠！來回就有3KM了！以我步速每9分30秒一公里計算，來回都用了差不多半小時，足夠由深水埗地鐵站來回旺角地鐵站！
當日空氣差和很焗很曬…行到去已經很熱，當我以為一進麥當勞就舒舒服服之際….
點解？！咁大間麥當勞竟然唔開冷氣！！你有密封的玻璃天花耶……
不要緊！我要的是可以吃的食物！其他都不要緊了！！吼！
點了個「果香板燒雞腿堡」餐（堡=包啦…）：
加咗一蚊轉大薯條（我以為佢問我轉唔轉大汽水，舐咗嘢），仲有個朱古力蘋果批，飽到行唔到，去咁耐大陸最滿足的一餐（竟然係麥當勞….）
講講個包，香港冇的，所謂果香就係個汁，唔係傳統那隻沙律醬，而係有點像芒果味的甜甜的汁，食落幾清新的，可是雞腿本身有點辣，配搭變成有點奇怪。不過總體依然係好食的！其他配料…就和香港無甚麼分別就不贅述了
另一個神奇Menu就係朱古力蘋果批….我都無諗過兩種東西可以溝埋一齊而好食的！港版朱古力批除咗唔知點解好油之外，仲有朱古力醬好「漏」，但係大陸版加咗蘋果的清甜反而令到朱古力冇咁「漏」（當然我唔排除朱古力係淡咗），而且三個半人仔的價錢實在是抵食了
還送了張早餐特價卡，可以用到年尾…希望我有機會用得著
不是呀，找的時候在室內
iPhone的Maps.app只會search到你顯示範圍附近的result，所以…好易搵～
我就去搵麥當勞…你就要避當勞= =”
有機會試試吧～但是香港都有的食品就不用試了，味道只有絲毫的差別～～
或者川味都唔好，陣間整個水煮漢堡你都唔知食唔食好
竟然用GPS找MC記…
o係香港, 我想用GPS迴避佢呀~ 仲好玩~ 睇下邊個街口見唔到佢
諗諗吓，我都好似未試過內地的麥當勞，下次有機會試吓先～:-)
果然係魔掌
唔係北方口味就好，最怕佢乜都係辣