一個「居」竟然可以再「戇」多一次
我諗我都真係無可救藥, 大家為我祝福吧
就是因為「叉燒事變」, 所以明明買左5隻雞中翼做飯, 都只是帶了3隻
(不過將3隻和將5隻放進飯盒的時間是沒差…)
然後我又忘記了帶多隻叉去食雞翼…
這幾天都落埋d好令人討厭的賤雨
一係快d好似北斗咁落雨會乸死人, 一落雨咩都唔駛做, yeah
最討厭都不是雨, 是遮
點解點解, d人咁鍾意o係騎樓底擔遮?!!! 係咪騎樓底先有雨落?
最衰就係, 我擔, 就會一起耍白爛(其實也無不可…?)
唔擔就會…一係滴水, 一係比遮「吉」後腦…
最危險的都係阿嬸系, 又生得唔係高, 又要行路身如柳緒
…..拜托, 你都聞到棺材香咁滯, 收斂一下好嗎….
咁o岩行正左右就真係多得佢唔少, 唔週身傷都一身水
所以一定要擔, 仲一定要烏低身行, 等d人要遞高把遮避你
….所以我好憎落雨。
今日一樣咁多野做…
但係都係控制範圍之內(everything is under control?)
意外….吃多了幾粒糖, 因為眼睏
這幾天都不知道發生甚麼事, 應該睡夠的但是回到辦公室總是睜不開眼(去到睜不開的階段了)
然後就不知為甚麼的上司請我吃餅(*), 不要怕, 是餅乾….兩包(又幾好味的…)
可是…我位的櫃中已經有5×2包餅, 之前才吃掉2包…現在又refill…
我可能食到過期都未食得完
中午吃飯的時間又到了
我因為不太習慣食飯時間前就走去叮飯(另外原因就是怕人閒話), 所以通常都時等人家叮得差不多我才去
今天還多了一樣–昨天剩下的叉燒!
叮完個飯, 再叮叉燒….
叉燒是用大家很喜歡的發泡膠(寶麗龍)盒裝著, 放到900w的樂聲牌微波爐, 用高火叮了3分鐘….
夠鐘! 一拿起……..
點解漏汁o既…? 看看盒底…叮融了……..
為甚麼會這樣….這樣一來不是全盒不能吃嗎….
我突然覺得自己很折墮……
……..時光飛逝, 下午因為有工作趕, 很快就過了
放工之後應老細A的要求去看一看flash賣幾錢…
原來一套macromedia studio 8, 就算教肉版也要二千四….., 已經是正式版的1/3價錢了
然後看看天又想下雨, 天氣又開始凍, 費事轉車走來走去, 就等過海巴士回家….
結果回到家落車就真的下雨了, 還很大….就回想起, 中午出現過雷暴警告
竟然, 正月都過了, 才來個入冬的最凍天氣
今天老媽休息, 因為要去看眼科
看完之後發現沒有甚麼惡化的跡象, 聽罷也安心下來
可是弟弟這幾天也有些不妥
所以明天到他去看醫生…
滄海遺珠:
為甚麼太太們的桌面會有這些東西……
今天標題的意義:
UNIQLO Outlast搖粒絨外套, 就是大減價時購入的那件
但是上圖那些淺色位(我那件是黑色…)就是非常易黐塵的!!!
加上我那條有納米防水的褲子也很易黐塵
再加上我吃完午飯來了個小午睡, 只是不動積個半小時, 我就變左塵友了…
如果有嚴重鼻敏感就真係多得你唔少了……
(outlast是甚麼美國太空科技, 造出來的布料, 穿上身不會太熱, 又不會太冷)
(*)吃餅: 臺灣民眾在早前的永邦風波中, 曾經咒罵永邦去吃餅….語源好像自出自周星馳的《白面包青天》其中一幕, 周星馳飾演的主角帶著當年老父當年的朋友的信物–半個光酥餅, 打算投靠要求協助, 怎料朋友已經完全變質, 並將光酥餅100倍「奉還, 要周等人一氣過吃掉
「吃餅」就是這樣走出來的….多分(たぶん, 「大概」、「多數係…」之意)。
硬膠合味道…..
我以為大家樂個盒同合味道的一樣堅固….
結果係, 放落去叮的我是笨蛋…(笑)
……d粟米用咩做的…..