by 都係因為佢唔啱！！
入面重真係有幾張印到巧令令禾的摺紙
背後係教你點 接 摺 套仔 兔仔添！
好靚呀可？
地鐵呀地鐵
其實，我哋係唔需要呢啲嘢架
我見到擺咗好耐都冇咩人攞
嘥埋啲咁嘅錢，做咩好啲吖，有鬼人理你咩
車到開門，守規矩嘅照樣守規矩，先落後上
但係
只有一個人係咁做，其他等車的十個人都係一開門殺入去
做咩啫而家，成車都係你殺父仇人呀？
你話你啲係咩宣傳？
班友呢，我覺得佢哋應該全部都係文盲
都唔識字嘅！ （地鐵自己都唔好得好多…）
既然冇人識字，咁講啦，識聽喇啩？
Oh，Sorry！個個唔係都聽緊歌，就都聽緊收音機（搭火車的…）
吓？你講嘢咩？
呢排金融海嘯下話，個個都話冇嘢做下話
咁就合晒合尺喇
地鐵應該請多啲人，做咩？
「月台助理（改）」
點解係（改）？
而家的月台助理，最多都係得把口叫你唔好衝門呀，讓吓人落車呀咁
（改）的，多條皮鞭……
「Ｘ！叫你唔Ｘ好上車住呀！Ｘ街！聾Ｘ咗呀！」
每吓Ｘ都鞭一嘢落啲人度
「Ｘ你ＸＸ….你話你條死
結果都是人人都我行我素
這就叫做自由，有人會說你不能侵犯別人衝上車的權利
（過搭嗲的。）
我都覺..而家無論係火車定地鐵，都係一野就湧上黎，完全無意思俾你落車。你用蛙式手「游」開呢班人，佢地仲要用眼神小你，真係火都黎。
結果每次落車前都貼實玻璃門，擺出作戰準備狀態谷個閻王口面，先凶下玻璃門出面班人，然後強行發射，先叫做有機會順利落車。
試過有次落車，個師奶死「o必」上黎，我落車佢撞到我仲要開口小我，個下我真係忍唔住回敬佢。
香港人好似愈來愈反文明….點解會咁。