還我行人專用區

老實說搞這些對抗式的行為係我最唔想見到，但係可能係政府們最想見到的一個行為，因為稍一不慎政府們就可以有位入，到時係雙輸唔係雙贏
不過我一直覺得他們真的很過份，先不談他們的「節目」的內容，因為我從來都沒看過，一個第一好印象都給不到我，鬼睇你呀，所以今個月你哋紅晒啦，不如真係走去做神功戲，應該有得做，不如試吓喺西洋菜街派埋米，或者叫吓途人去「輪大米」，我諗到時就唔會有成千上萬人加入咗facebook的「將好戲量踢出旺角」Group了

離了點題，我想說的是他們天天幾乎風雨不改的霸佔行人專用區並有稱會去騷擾途人和其他表演個人或團體
在最近E1出口，往南行的一段西洋菜南街，除了呢班蛋散霸Ｘ住條路之外，仲有其他「表演者」——包括有一個坐輪椅的
最近看到他越般越遠，已到寬頻街霸霸佔的街口許猴山附近，看見網上文章稱，原來就是這班Ｘ街去兇佢

每樣事情太過了就會惹人反感——不論那件事情的本質是甚麼
說「公共空間」可以給公眾自由使用，那麼這小眾就可以犧牲公眾通過的權利，這樣是道理嗎？
最弊是，他們好像不覺得阻住你係個問題，而係覺得政府欠咗佢一樣，大佬，咪玩啦，而家你欠我一條路又點計呀？

寬頻街霸，信用卡街霸，學車健身街霸，問卷姐姐，法輪功都一樣好討厭
但係，問題係佢哋點「阻定」都唔會阻到我行都行唔到過去，不過呢兜粉友塞Ｑ晒我條路，結果好多時都要逼返出去彌敦道或者行入女人街
我又好奇怪，咁耐都冇聽過舖頭投訴，難道開門唔係做生意的？抑或兜友有俾錢舖頭們「租地」？
最近仲擺街賣埋Ｔ恤，原本我當你做宣傳都忍你，而家係霸Ｘ咗條街，仲要有直接錢銀交易——即係街霸為咗避小販管理隊所以唔會做的事，我諗唔係好多人可以容忍你哋喇
如果咁都得，以前推車仔賣乾炒牛河就可以重出江湖啦？而家旺角啲小食檔都唔駛租舖啦，佢哋唔租間接可以降低旺區舖租，咁樣數返轉頭，係咪要多謝返佢哋呢？

我一個小市民，只係想有個暢通的「行人專用區」，而唔係而家變咗一街都係無牌小販（註：我認為街霸們都應該算這類），一街都係「先生阻你一陣做個問卷…」的姐姐（同你做….問卷我都冇著數，又成日搵塊板「車」過嚟好似打劫咁，驚架大佬），仲有一街都俾一兜「自以為是」而且已經過態，為了自己的自由可以犧牲其他大眾的自由的團體。如果係咁，我寧願要一個冇好戲量的旺角，要一個冇街霸的西洋菜街