25/02/2021

豬扒炒蛋

星期三的早上…
我竟然追得上一架我未過行人天橋就見到埋了站的巴士
還要有位坐!! 以前試過一次幾乎要貼住上車門…
上天都待我不薄(?)

當我這樣以為的時候
火車就不知為甚麼很多人,完全沒位坐…直到上水orz

還要有人在「炒蛋」…食滯應該去厠所,不是在火車裡面放臭屁好不好?

到了大快活食早餐
竟然沒有了我常用的吉列豬扒
看來豬的價錢已經和鑽石相差不遠…


弟弟的電話plan唔知點解俾人cut咗好多分鐘,然後結果當然係爆廠
凸咗幾舊水……
因為account係阿媽的,我唔知係咪因為咁細佬就「唔嗲唔吊」,阿媽又幾十歲唔夠那些奸詐的電話客服員鬥爭
結果,我又按捺不住跟他們去跟這件事,跟了一個星期,他們星期日早上打電話給我……

我頂…星期日朝頭早有鬼同你聽電話呀?
之後他和我的秘書….台留言,說會「再聯絡我」的電話客服到星期三依舊係無尾飛陀
「稍後」其實之係幾後呢?我諗可以等到香港無冬天掛?

星期三打了半個鐘長途回香港,跟他們不斷在糾纏,因為我要他們跟進的事其實是有結果,我就是需要結果而已
同事說我…真有你的,我應該一早就找他們經理來跟進

今早就算在開會也要他們回電話給我,結果就是如我所料,明明係他們計錯數!
幸好現在大陸台做promo,說了半個鐘多點,都是十幾蚊人仔…好彩
但係我明明同佢地講我用緊長途,佢地都係依然故我的繼續帶我遊花園
我幾好耐性我都忍唔住,非常想講粗口


整天都在開會
但是,沒甚麼用
連上司也覺得沒有用,很好
但是責任在我嗎?
之前開會說決定的事項都是他們一早決定了,我去開會就是被知會一聲
我總不能因為一己之見否決一群人的決定
而且…這個也算是比其他更好的選擇了
沒有的,說真的不會比有的差,有的也不代表會做得好
雖然死貓我成日食,但係今日這隻我覺得有點惡啃

今天的飯也很難吃
我很少說難吃的,但是真的咽不下
平時同事裡面我吃一碗飯的時間,同事可以吃兩碗
但是今天我就最好吃完
也不是沒胃口,只是那些餸….唉
我懷疑廚子換了由地獄來的使者去做
我不要求甚麼,請將一餐飯,弄得像一餐飯可以嗎


前日去了旺角跟公司買些RAM用,有冇再平啲呀?
還有,Notebook 的RAM竟然平過Desktop的RAM…點解會咁架點解會咁架點解會咁架點解會咁架點解會咁架點解會咁架?

回程搭車因為沒有帶PSP玩《無雙大蛇》,腦袋空轉了一整個車程
腦袋閃過了一個令我覺得很得人驚的念頭….閃過之後,自己都覺得好好笑
我總覺得…歷史就像在重演一樣

星期三看到一篇文章,雖然看之前都知道大概的內容寫甚麼
看完之後覺得個主角真係好好笑XD



對,我失敗了。

2 thoughts on “豬扒炒蛋

  1. 事情叫做解決了——跟本係佢地數錯
    我唔順係佢地做嘢的僵化程度,連政府也要自愧不如!

  2. 寫封投訴信去客戶服務部,要掛號既。然後打去西方日報個投訴組同你跟,過兩日就會有個叫「客戶關注組」既人搵你架喇!

Comments are closed.