05/03/2021

週末雜談

昨天親戚來拜年,兩個表弟又再一次反轉我的家,連我N咁耐都冇著過電的PS2(注意係2!)都要拿出來鞭屍
機入面那隻竟然係葦姬莉2…..而且其中一個掣的左蘑菇開始融掉了
可以想像我部機幾耐冇開過


星期六難得特登過海,去到維園取號碼布等物資
順道花少少時間遊下附近看看有沒有變
拿完搭 丁丁 叮叮(電車)去中環方向
但是我發現…..

點解而家會有路線圖架?!

我只係離開咗呢個島一年…都冇!
你同我變到阿媽都唔認得!


169~

到了landmark…又係一個變到阿媽唔認得地方
我明明以前可以喺度弛騁,但係今次我差點蕩失路
啲電梯變晒!!

好辛苦(汗)咁,其實係想去IFC,看看らぽっぽ
但是原來已經執了好耐好耐
以前人地有你又唔食,而家想食就冇得食喇!

突然間想起《時をかける少女》的那句名言:

Time waits for no one
中譯(?)就是蘇州過後冇艇搭,過了這家就沒有這個店之類的意思

人生不會有很多事能給你再多一次機會
所以呢…..見到,就好做喇,遲了就沒的了


說回親戚來拜年
話說之前一天舅父也打給我(其實是一路都打錯給我,應該是打給媽媽的)
不過當然沒說原因啦,然後很多時我也是最後一個,亦都是最遲一個知道一些突發的事情
例如快要出發去旅行才跟你說團年呀,今天你才會知道有人來拜年之類
你又唔係唔知道團一團年要食個幾兩個鐘,拜一拜年就攪你一日
仲搵啲咁嘢攪——團年飯係出發之前一晚食,拜年係第二日我要早睡早起去跑10公里

你約人永遠唔會諗下我,我係咪真係咁唔重要
定係你覺得我順得人?
但係你明明知道,你老公係東莞人嚟架喎!!唔近架喎一啲都!!

又唔係唔知我最怕啲突發約嘅親戚,永遠會將我的生活打亂(順帶一提,我家和親戚的關係不是太好…)
雖然你們算是對我們很好的一群,但是你考慮下我好唔好

拜完年,就好走啦,仲要落酒樓食…都算喇
點菜當張餐牌係名畫咁慢慢睇…..你真係唔好逼老夫一掌打死你
你地到底係咪行緊火星時間架?我只係知道,對返地球時間,你地齋坐齋睇畫都用咗10分鐘囉
咁好喇,我話叫個咩咩宴的套餐唔駛煩啦
又話…表弟揀咗個餸…佢地中意揀餸嚟食多啲呀


……..
………………………..

…我諗呢剎那如果我真係劏咗佢幾仔乸,滿天神佛都會寬恕我

我喺屋企都emphasize咗好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多好多次,我要早啲瞓早啲起身咯!!
你地係唔識聽(但係識講)廣東話嘅,出聲吖,普通話、英文、日文我都識架!
一圍檯唔計我都成8個人加埋幾百歲都唔識都唔明?你地化唔化架?

我同你講早啲瞓,唔係我真係一返去就瞓,我仲有好多私務要做,細佬都要趕住交功課
即係,我話你聽,你一家人就阻住兩個地球轉呀

你唔怪得我黑面架,我捱咗一個鐘
食糖水你仲要揀…….!求其一碗食咗算啦好冇呀

今日我冇俾貼士,第一我已經俾咗加一,第二就係你地又唔值再加——明明留咗成米長的檯圓周俾你上菜
但係你係都要喺個細位度入(阻住我呀少炳!)

我唔係唔歡迎你地,但係唔好揀琴日囉!
結果,夜晚11點瞓,第二朝3點起身…


跑完,同阿傑和呀浩一起去了時代廣場食早餐
等到citysuper開門,銅鑼灣都係冇らぽっぽ的,唯有下次再去買多個批返來同家人吃(笑)
之後買了些Krispy Kreme的冬甩
他們放的方法是一個個平放,沒Mister Donut放盒子那麼優雅(笑)
所以看見人家都是兩大盒,那裡”只是”兩打而已

綠茶味冇綠茶味…攪乜嘢?
都係Mister Donut好食…果然係會上癮架!

返家看了投名狀,果然大哥是對的(笑)
也值得一看的戲一套!

6 thoughts on “週末雜談

  1. 呃…人家沒有失憶啦,只是記不起來而已(ぉ
    好像那個小蘋果是有的吧

  2. 是呀~ 很久之前apm那間已沒有了…
    我說過只有小蕃薯… 算吧~ 你總是失憶的…

  3. 蕃薯蘋果批有說過…不過我不記得蕃薯條也沒有
    還有原來執了啦~一定要去日本才吃到!

  4. 我沒告訴你嗎… 之前在香港的らぽっぽ也沒有蕃薯蘋果批和蕃薯條的~ 去日本吃吧…@@

  5. …我反而覺得佢地唔甜…同埋淨係得個甜字
    我都係覺得Mister Donut好食好多!!

  6. Krispy Kreme的冬甩 甜得要命, 都是Mister Donut好!! 不過要吃的話要到日本/台灣.. orz

Comments are closed.