爆睡——一個很久違了的老朋友
原本以為可以跟他見個面的,但是今朝十點就無端端給門鐘鬧醒
….係呀,係門鐘唔係鬧鐘呀
按一次…無視
按兩次……邊個呀…唔理
按三次………嘖…仲㩒喎!
按四次…………我….(理智斷裂)
係十秒入面按四次….有乜事咁急呀?你係咪驚我開石油氣自殺又唔記得開燈啫(*)?
玩門鐘又唔會…這裡的小孩雖然無聊但係又未到無聊到咁
唔通會係上門收舊課本?又未到暑假
我一邊在落curse一邊開門,結果是看更和一個不知甚麼來的
說著樓上不知甚麼的….完全不想聽,比起聽你們發噏風,我更加有衝動打開鐵閘一人吉佢一刀
一下冚門,便倒頭再睡
但是呢,一鼓就作氣,再來就衰啦!翻瞓永遠都不能瞓得舒服
雖說如此,我還是翻瞓了
再來就是清除硬碟裡積了很久的錄影片段
上次說清片,只是清了一小部份,還只是10月中的份
可能有排清…雖然說是MPEG2可以直接燒DVD影片,但是200G的份量可不是蓋的,還要cut廣告…
下晝收到一個意想不到的來電(不要胡思亂想,是男生來的)
一聽,一把超陌生的聲音….原來是以前鄰居個仔!
好像幾年前再見了一次,給了他電話,竟然打來了(笑)
寒喧幾句,說了一下我現在大概怎樣
最後是一句default到爆的搵日飲茶(笑)
如果你再打來…咪飲囉XD
在這之前,我要得閒先得….
還有二十日就是旅行的出發日子,很期待!