好．無．聊．呀！

史上最無聊的玩具呀！啪啪紙模擬器終於有 大貨 行貨喇！

原理——冇！就係我諗冇人未玩過的泡泡紙！
最常見係用來包裝免撞爛跌碎的包裝用品，通常拆了出來，細個時候都應該試過逐粒啪，啪完再搵一次有冇漏啪先肯俾媽媽掉咗佢
由於一般人係唔會白痴到去特登買一大卷返屋企玩，於是無聊到爆的バンダイ就出了這個模擬器
為甚麼我叫做模擬器？因為它真的模擬啪啪紙的手感
個人感覺有六七成似，不過….好硬呀，絕對玩不了一晚（不過玩真的啪啪紙，玩一晚手指頭大概都會爛掉吧～XD）
不過聲效不太像真啦（都預咗，啪啪聲好難合成）

還有好似孖寶那個龜殼咁，會突然有一嘢特殊sound effect，可以用來玩party玩都得XD

紙皮入面收埋說明書，講啪啪紙（日本有很多名的，不過好似最廣的稱呼就係プチプチ）的紀念日
還真的有一個「日本紀念日協會」公認的「プチプチの日」　…..啪啪紙紀念日

就係因為啪啪紙的波波排起好似好多8字，啪嗰陣就係88咁聲（パチパチ），於是就霸咗個孖八做紀念日
…..

說明書的這個小知識有６種隨機放的，…不過我諗冇人再更加無聊到儲齊啩？

我在葵涌廣場買$65，還好啦，如果有更平，可以選擇唔話我聽，因為
…..我都買咗咯

∞プチプチ（背景有好煩的啪啪聲XD）
プチプチつぶし （ウィキペディア）
Bubble Warp (Wikipedia)