好明顯，台風真的在找我

星期三，一號風球
星期四凌晨，三號風球
星期四上午，個風 因為見我唔喺香港 走過龍
星期五上午七時五十分， 個風瞓醒見我返咗落嚟 再次一號風球
同中午十二時四十分，再次三號球
同下午二時三十分，八號風球（西南）

原本星期三重擔心緊點返香港，結果星期四風和日麗
然後臨返工阿媽就話「又掛一號喎！」…..吓？真係返兜？

…天文台無咁準㗎？！佢哋連落唔落雨都話唔埋…我次次帶遮就唔落雨，一次唔帶就睇住我嚟落……我又冇見過林超英，佢又唔識我….唔識嘅你都玩，你係咪有病㗎你～

今次證明咗，佢可能真係有病的
點解 生效個八號信號？ 掛八號波？
之前俾班炒股佬屌得多，因為掛親都升市嗰陣掛，梗係鬧啦
但係今日中午都已經跌六百幾(呢幾日好似坐飛機玩無重訓練咁…幾百點可能變成了小事….0_0)唔掛可能又會俾人屌
但係係咪真係猛到掛…?
重有，啱啱地下天文台的 腐 負責人在blog裡寫了一段說話：

林超英你而家係咪即係玩嘢呢…..掛八號嗰陣，帕布係一個熱帶低氣壓
大佬，堂堂一個天文台台長，同一個網站鬥氣……你貴庚呀？都唔化嘅？！

之前因為唔掛俾人鬧而拍條宣傳片，大大個凸＝３＝的打落個畫面度，真係驚死你睇唔到咁，都已經俾到好多人一種在「示威」的感覺
今次又搵啲咁嘢攪呀…….

香港，搵咗個小朋友做天文台……..
唔好玩啦….

一路在聽香港電台的廣播，佢地講到：「天文台話八號訊號三點半或之前生效，但係你班 低能仔 市民就以為一定係三點半」
…….做公務員係咪真係要個腦short short哋先得嘅呢？
之前就係舖舖唔到最後一刻都唔八號，一個凡人好自然會根據「狼來了」理論，你今次又咁講，咁好自然都會係三點半啦….
大佬，我哋個腦冇你哋咁叻，可以收到個小朋友台長啲電波，知道佢想 玩嘢 提早八號㗎？
真係有咁「醒」，你都冇得撈啦…
重要話咩咩「根據科學判斷」之類的說話啊，而家玩「此地無銀」呀？

之前我都唔信政府啲人係傻㗎，入過政府見識過我就真係信喇……尤其係做決策嗰班，個腦其實完全脫離咗正常人的思考模式

原來唔覺唔覺，三年冇掛過八號…..