白爛糕！出血吧！

可惜，不能盡如人意….還浪費了腳骨力…
先說說今日(週六)的行程：
首先同經常攪爛gag講冷笑話仲有只係識software的IT人(WAHAHAHAHAHAHAHAHAHAHA)揀個外置硬碟
然後同阿嫂又買一隻
之後再同自己買一隻
最後係去睇「屙、拍、聞」

阿傑買的，同我之前買的一樣——ICY DOCK的FW400版，不過價錢便宜了差不多卅皮
內膽也是和我一樣——用死記！320G 7200/16M SATAII

買ATA的話會有很多選擇…不過停產嘛….到壞的時候不就冇貨換了嗎
明明外國有很多SATA HDD–>Firewire的外置箱，就是沒人入貨…(嘖)
真的個個都信了那些超爆爛鬼sales說的話嗎？

在中環田那裡聽到….
客『USB同Firewire邊樣快啲呀？』
廢「梗係USB2.0啦，Firewire得400Mb，但係USB有480Mb喎！」

我（……唔撚係下話…..）

阿傑還要替阿傑嫂買多一台2.5″的，不過這個是以價錢做第一考量，ATA+USB決定
兩樣加埋，阿傑買個case都未夠XDDD

時間回捲一點點….
在麥當奴等阿傑的時候，他就是帶著阿嫂出場了！
然後左手那著一嚿 黑爛糕 九層芝蔴糕，右手拿著一塊 白爛糕 白糖糕來

….那…拿白糖糕去供奉白大仙….是不對的！
你應該簽香油！簽香油呀！

時間返回買完阿傑的東西之後….折返老麥將2.5″的嵌起來，阿傑用了一蚊買咗支十字批
在這時候，拿了剛壓好就出門口的《涼宮春日的激奏》那個ENOZ一段給阿傑看，我就知道他一定會留意人家的 股 鼓，那 股 手是用幾個牌子的裝備，一般一套鼓都會用同一個牌子的，阿傑看到好好笑XDDD

我也蠢蠢 欲動 的想換macbook的硬碟，要順道買一個2.5″ SATA –> Firewire的外置盒
黃金….冇…有同廠的齋USB版
高登….冇
阿傑都費Ｑ事啋我，返屋企合體，終於一圓他擁有外置硬碟的美夢（給不知道的說一下，幾年前阿傑曾經有過一次非常慘痛的教訓，自此以後一提外置硬碟他就會進入「虎馬【トラ　ウマ】」模式）
於是我一個人繼續旅程
灣仔電腦城….冇
298….有，不過係3.5″的….
皇室堡….有
但係，係呢隻：

唔，¥9,980…即係大概659元港紙（=2,776新台幣/637元人民幣）
間鋪頭標價$2,980

….
………..
…………………….
……………………………..!!

…….
點解….就算我連一隻160GB 7200rpm的硬碟買也不用這麼貴吧？！

結果，我甚麼也沒有買….
想出血，都出唔到，實在太好！

於是回家一看，秋葉館的Net通販的價錢就是這個
但是原來和我之前看過的那一個一樣，原來也是台灣貨
再查一查那公司的大陸廠房…原來也是東莞，不過距離我很遠…
其實我在想，應該可以問問他們有冇貨辦…..XDDDD
不過還是算吧，要做這些事，應該要用到公司名，免得過也不要惹麻煩啦

不過…事情還未完的！
呢個世界，好在有敗家！
結果是去敗家網下訂了，我在想，如果運費是在可接受的範圍也不要緊吧
不過我還未知道要多少錢…或者真的買得成之後，又寫個文章 造福 勸敗一下人群吧？
待有盒才買硬碟吧，硬碟相對無論供應和價錢都搵定….
最近RAM價升回三百樓上，Notebook用的更加去到$350，有點慶幸當時買macbook的RAM只是$280一條….

晚上去看變形金剛。
好！睇！
還有屎窟堡影響導演的拍攝，將戰爭片的拍攝角度，效果等等帶到科幻機械人片去
不過…..這片已經預知會有續集了吧？
還有，未看的各位，禮貌又好，咩都好，唔好一出字幕就彈起身啦…

夜晚餐仆街餐廳….我只能說燒鵝的價錢，蔗渣的味道…..