19/05/2021

煙民, 我支持你!

這幾天眼看耳聽不少「煙民」(吸煙者*)半發晦氣的說著這樣的說話: 「 X你老母 政府搞到我地好似過街老鼠咁!」「好麻煩呀! 去K都去得冇癮呀!」

「一係叫曾蔭權唔好俾啲煙入口囉」
在酒樓工作的Ivy, 說得好!
我深深感到這句說話有如天籟之音一樣的悅耳呀~~


am730, 2007年1月2日
衛生署控煙辦得o個百幾人, 光是旺角一條街就已經幾十間食肆, 還未計K場波樓麻雀館, 看電視影他們在做樣辦戲, 一隊人有五六人, 這樣真的可以捉得到人食煙嗎…?
結果就係: 雖然好多人都唔中意人地食煙, 不過都唔會出聲, 因為佢地會覺得冇Q用
若果我遇見有人在禁煙區內吸煙這些情況(幸好暫時也未出現)的話, 我先會好言相勸, 「請」他/她即時弄熄正在燃燒的煙草, 若給無視, 惡現相向甚至進一步行動的話, 我一定會二話不說打112/999
你要玩野咪一齊玩囉…咩啫?

甚麼「冇啖好食」, 「以後不光顧禁煙場所」之類都一定是空談來的…
「姣婆守不到寡」這個道理我非常的明白…明明說過樓下文具點不會再光顧的, 但是上次就去買了3支鉛筆…之類
就看看你們的能耐可以拖垮多少食店/娛樂場所囉~

…既然法例執行上有咁大困難, 點解唔向簡單一點的辦法埋手呢?
有人說增加煙草稅…有用嗎? 你知道香港有一樣東西叫「走私煙」嗎?
而且對煙民來說, 他們的需求幾近固定(demand curve近乎直線), 就算你加到天價他們也是會照樣購買
…不太行…

有人說到教育青少年不要吸煙…
喂! 這個由我小時候說到現在! 可是我小時候見不到有9歲的小孩蹲在花槽旁狂啜香煙啊?!
你覺得真是有用嗎…? 重點是在課室教呀…通常不用考試的知識, 小朋友的記憶力會比較差
最重要是現在還是相對的「硬銷」吸煙有甚麼不好…我還是覺得對那些死也不聽的死小孩(就算青少年也是), 最好還是來個震憾教育–可以簡單一點, 去參觀醫學院, 現場觀賞因肺癌去世的病人解剖, 或者找多幾個尤伯連納來我想效果總會比電子唸佛機好景四仔阿叔一樣的說「四樓有四仔食煙係唔好架, 千祈唔好食煙…」來得好呀

既然如此, 那麼完全禁止煙草類商品入口不就一了百了嗎?
私藏香煙=刑事罪! 吸食或燃點香煙=死刑!

…今天的無線新聞在灣仔政府大樓外訪問了一個公司老闆, 他說(英文): (關於開設吸煙房/容許員工在辦公時間外出吸煙) 公司裡大多數人也不吸煙的, 若果只是為了兩三個吸煙的員工(設定這些), 會對其他人不公平的

容許我重申多一次, 你是有你吸煙的自由, 可是你不能剝奪我呼吸「新鮮而沒有被煙草燃燒時的煙霧污染的空氣」的自由, 而且你要慢性自殺也是你的自由, 但是你不能夠迫我陪你一起自殺

一於上書特首, 著他認真考慮一下完全禁止煙草入口吧!


*: 一支煙已知有4000種有害物質, 其中以焦油, 尼古丁最為人所知。(4000種有害物質資料來源為無線大搜查網, 由於該頁文章未有資料來源故未能作實, 不過香煙是害多於利, 我認為是不爭的事實, 敬希垂注)
註: 禁止入口等乃戲言, 正如剛剛所說, 我不喜歡人家吸煙, 也不代表我一定要剝奪人家吸煙的權利, 可是在吸煙的時候不要搞到我就可以了(吸煙之後滿身煙味者算入騷擾之列), 有太多吸煙者態度惡劣才會惹大部分人對吸煙者印象不好

6 thoughts on “煙民, 我支持你!

  1. 其實 煙稅錢
    賺來都唔夠香港人用啦
    要真係賺 政府 應該要殺出一條新血路
    冇謂下下 都要加稅 又或者咩都唔做
    兩條路 即係等於 殺左 全個香港市民

    況且 呢種錢 賺又唔係賺 有錢人個O的
    大部份都係賺 中等 或下等階層 人士(唔好告我呀)
    賺之冇益 用之冇用

    強制性禁煙 對香港人已經冇咩用
    因為香港人 喜歡 樣樣愛上癮
    而且下下 都貪好玩
    你唔來一個 置他們死地之後生
    等佢地 來一個自我反思
    咁佢地先會領悟 煙之害處

    再說 煙之類 已經被開發多達如天上星宿之多的害處
    但點解 香港人甚至大陸人 都要 一煙在手 MO街實有
    全因 香港人 太多壓力 冇地方可洩
    性 又唔得 玩 又冇錢 食 都會死 物品 又話貴
    咁你玩 唯一的煙仔 價錢中上  又 多 又可以減壓
    真係一次過滿足哂3個願望

    殊不知 3個願望  達成 個樣 就衰竭
    社會 靠佢地又唔係 唔靠佢地又唔係
    更深的是 有些已達 老年 但煙不離手
    你話一來過 回馬槍 唔食煙
    哈~~佢真係開心得落啦
    長期食唔死 一唔食就DEAD
    對佢地來說 禁煙 是完全放棄佢地
    總之 到時社會反應是好是壞 全要看 對策可言

    但我完全 支持禁煙法例 但不可口說而冇政策支持
    可能 香港 開多幾間 封廟 等個O的失心瘋狂
    難以頂煙癮人士 入去住一住
    到時 如來佛祖 觀音菩薩 就會多左 香油錢
    愈起愈多間 香火鼎盛
    同外地推銷 香港 再不是東方之珠啦
    而是 東方的一塊淨地
    因為剩係 俾人 參拜廟宇或佛祖

    莫講話 旅遊業 都時咩行業 都會有得做啦

  2. 大快人心!!
    不禁入口是聰明的!用買煙的稅金來整治吸煙的人,不是很好嗎?而且可以保持收入。

    剛好今年又要考中史讀到鴉片戰爭。禁煙, 越禁越氾濫。禁吸, 沒有煙民,自然沒有人賣煙。

    不過既然煙民都讚成不入口煙的話,我也支持這決定。難得這麼有決心!

    吸煙本來就多餘,自己吃飯不爽也是自找麻煩。
    其實要自殺吸汽車廢氣不是更方便,怎麼要掏銀包買煙?

  3. 咁….咁要加到二億先夠喇…
    頂…年中買念慈庵都徙唔少錢呀大佬

  4. 煙草稅再加高一點吧, 至少可以多補貼一下因二手煙而產生的醫尞費用.

  5. 因為禁止入口 = 政府收入減半…

    所以就算是最可行的辦法,政府也只會整本撤回。

    非吸煙人的悲哀…………..
    不過寫明禁煙的商場裡面還要吸煙那我真的是有點惱火了…

Comments are closed.