白爛日報3.0

終於做完~個人感覺不錯
一貫後藤圭二個人風格要故弄玄虛, 做到最後先話你聽發生咩事…

故事就係有個真神(「那個人」的神秘聲音)命「鏡之神」沙耶(さいや)去搵d14歲o既人去做「試煉」
一定會有人問點解14歲…根據我有限公司o既日文聽力話我聽, 14歲就係介乎細路同大人, 迷惘同徬徨之間, 最適合接受試煉云云…

試煉就係你上全地球「陷球剷」定係你自己死算數?

最終一夏(いちか)就兩樣都唔揀, 雖然沙耶好意外, 但係都係因為冇揀是但一樣, 所以要「懲罰」而殺掉她.
身為「鏡之神」分身的舞夏(まなつ)就為左救一夏, 違反左身為「鏡之神」分身o既任務, 灰飛煙滅(明明係化水的)

而廿歲o既誓唯(さい)和同是「鏡之神」分身精靈的繪委(かい)原來就係上一手受試煉o既對象(之前集數已經暗示都唔係暗示…), 但係因為誓唯作不出選擇, 繪委為左救佢所以一齊唔知點解咁繼續生存落去…

結果就係繪委一路都覺得對誓唯唔住, 然後打左個車輪(BL~)跟住繪委就化左水
舞夏化水之前都同一夏打左個車輪~
(但係BL車輪點解唔影得出o黎? 女女車輪就得…)

……整套野都有唔少地方係聽唔明, 希望animax會做, 係我會想睇多次o既作品

以上係白爛日報特約記者真嗣in 白爛 mode 報導

所謂「白爛」, 意義甚廣, 在於廣東話之中, 在下認為大概當你在罵人「正白爛」, 就相當於用廣東話鬧人「正仆街」, 但是, 意義又不盡於此…

恐防有人對此詞認識不深…特意花了兩個分鐘從google(http://www.google.com.hk/)找來了兩篇文章

1. 說文解字 - 白爛說:
http://www.intermargins.net/intermargins/YouthLibFront/YouthSubculture/Bullshooting/b01.htm

節錄:
「白爛」一詞來自閩南語的「白卵」（唸作ㄅㄝ ㄌㄢ）。「白卵」用來形容一個人不上道、愚蠢囉唆又麻煩，通常用來罵人，具有負面的意義。「白」在此處的意思是「白色」，「卵」則是「卵醮」或「卵葩」，也就是下體。一般認為，因為平常人的卵葩是一團黑色的，白色卵葩就是不正常。所以，對於那些和大伙兒不太一樣、不聽話、不順從多數人行動、思想的人，就會遭人取笑說是「白卵」的異類。

2. 白爛 - 範文:

節錄:
作者: satan (你沒有輸入暱稱) 看板: joke
標題: 白爛
時間: Tue Jul 21 00:49:57 1998

(下刪一千字 by 真嗣)

白爛的文章, 貼於白爛的板上…

過了一個學期後的生活, 絕對不是寫意悠閒, 反而超忙!
剛剛和我一起上班的舊同學正式離職(因為佢搵到好路數), 在「走下一個, 走下又一個」 o既情況之下, 公司得返三個人手, 計埋老細都係得三個半(老細太耐冇掂, 已經生疏), 今日又係「日日做到冇停手~(做!做!冇停手)」

＊　＊　＊

路邊見到寬頻推銷員, 掛晒彩帶放晒橫額咁, 唔知的仲以為係咩事
但係有樣野真係好想見一次: 就係普通人成日打倉頡都會打錯個「網」字做個「綱」字. 咁樣無限上網就會變左「無限上綱」

「ＸＸ寬頻無限上綱」

這樣會很過癮的樣子

＊　＊　＊

由於星期五終如趕晒功課, 可以出去玩, 星期六日終於有時間清下積埋o既片, 都算是沙漠中的一點甘露!
不過, 亦由於星期五出左去打左幾舖zeta dx, 所以翌日就買左隻ps2版返屋企玩
uc mode真的很煩! 同一版要打六次…仲要有阿力份

＊　＊　＊

剛剛食飯的時候看新聞, 看見了一個畫面: 老董率領一眾高官過大海比胡錦濤照肺
見到老董一副頭dup dup眼濕濕o既樣子實在滑稽!(但係得佢一個係咁)
返到o黎記者仲要問:「你係咪比人丙呀?」

–
1. 點解標題唔比我打感請公仔…(我想打這個→)
2. 明明o係街有好多野想寫, 但係返到屋企就好似format左咁…

試睇左一個星期, 還不賴嘛, 我打算會繼續看下去, 跟有線say goodbye

跟有線的比較, 新聞報道的內容基本上差不多, 差的就只是有些本地突發(例如d打劫放火), 以及體育新聞(亞視很多本地足球, 而某些獨家播放的足球賽, 友台就沒片段播)

最令我「敬佩」的是, 亞視的新聞是會在24小時台同步播放, 真合乎成本效益!
而且亞視製作的一些「星期日檔案」類的節目也會在24小時台播放
最正點的是, 24小時台獨家的新聞報道, 全部都係同一個studio出街!
小的有幸入過去「參觀」(工作需要), 地方超淺窄的!而且很冷(studio內有溫度計的…常年15度)
我想, 最有成本效益的新聞台應該非亞視莫屬!

不過, 說到員工最爽手的, 就有線的勝一籌了!
同樣都係裝機入機房–
去亞視, 我等機房開門都等兩個字….仲要裝完個位之後又要搬過(明明又係你地話o個個位得o既)
去有線, 話裝呢度呀? 得! 要幾多位? 我比你! 仲同我逗埋機上rack!

不過從一個用家角度, 價錢都係最緊要…
現在我看有線, 優惠了都要二百四! 還要簽約!(也只是看新聞台…現在加多個白色巨塔, 頂多得閒先看看ngc跟discovery)
看亞視24小時台都只是十五蚊!!
就是這樣, 有線約完之日就係白色巨塔做完之時!
約完就goodbye~

看了差不多一年…得出一個問題?

「這個頻道究竟是幹甚麼的?」

曾經試過跳過兩集漏播, 試過漏播一節(將第二節重覆兩次播放), 又唔對字幕, 一整集完全沒字幕
以前axn年代都未試過的

還有作為載體的now寬頻電視, 甩嘴爆格不在話下, 又有窒畫窒聲, 再加上時間停頓(=畫面連聲音一齊停止了…decoder是「黃金體驗」嗎?)現在仲要加埋不停顯示台號…

香港攪數碼高新科技就真的是他媽的有未來有前景啊!

變成懶惰魔人了!
(這個應該是星期五寫的…)

我發覺, 原來我已經變成一個超級懶惰的人(明明從前不是這樣的…)
做的功課都是超級行貨, 而且質低量少…

不過真的沒辦法(吧?). 每晚返到家就硬是提不起勁, 沖涼食飯之後再看一兩套片就以經可以上床—-睡覺
而且, 份工需要的體力比普通人坐office大, 返家之後不是腳板痛, 就是腰骨痛, 而且條腰骨每晚攤上床之後都會痛…

冇買新game, 冇試新野, 就係返工返學
原來真係幾辛苦的!!

–這個就是所謂的「近況」吧?

我很想要張osim

白出東方, 爛掉希望
白爛日報終於出爐!

白爛日報 ver. blog會秉承先代jpg版的白爛日報一貫優良傳統, 認真製作一系列沒啥看頭的重點企畫!

(說就是這麼說……總之是盡力而為吧!)
建議使用orange style!