長洲掃街行

2009年12月2日

星期三因利乘便，不用上班就去了長洲玩

在船上上網，在這裡看到了長洲美食地圖，於是跟著它去尋找

第一站原本去找允升甜品，但是

他們休息了….下次去長洲不要選禮拜三

然後去食平安包，往郭錦記餅店。大大一個才四蚊，但係放久了不太熱，不過原來很鬆軟而且唔黐牙，好味！

之後往甘永泰食魚蛋，這個不用多介紹是長洲名物，之前自己去幾次，每次想買回家做手信，但每次都在回程船上食晒！

下一站係巨薯棒，新鮮即叫即炸，超級的好食！

轉個角就係故鄉茶寮，出名的是「紅豆餅」（即是大判燒），還有壽司，不過這次只是食紅豆餅。四蚊一個，紅豆算多但係唔夠甜，不過四蚊一個，收晒貨啦

去了東灣行了一會，回頭去了紅馬餅店的分店——紅馬海傍餅店，食巴黎撻

外面脆卜卜，入面係軟綿綿的蛋糕，還有些焦糖(?)，很新鮮的配搭！而且好好味道！！

途中見到有新鮮做的豬扒包，但係已經好飽無食到，之後坐在海邊吹吹風吹吹水，原來時間好快過

最後到了天然甜品食糖水，一個紅豆沙湯圓（芝麻餡）

一個是招牌菜香芒湯圓雪凍楊枝甘露

香芒湯圓是整成球形的芒果大菜糕，雪凍是外面有花生碎入面包著雪糕的東西（上圖），這兩樣東西都好好味！

還買了香芒糯米糍回家做手信^^

回到市區後，去了澳州牛奶公司吃晚飯

滿足的一天~~